وداعا رياضه 2

[babanana]

المشاركة الأصلية كتبت بواسطة raaaa2

السلام عليكم ورحمة الله وبركاته
انا حبيت اسألكم سؤال او اخد رايكم في حاجه
بس لو سمحتم من غير ضرب
هو فيه حد غيري شعر بعد امتحان الجبر انه هيفتقد الرياضه
يعني بم ان احنا دخلنا رياضه 2 معناها على الاقل الرياضه مكانتش مضيقانه في اعدادي واولى وتانيه ثانوي دا ان مكانش في حد زيي دخلها حبا فيها مع اني متاكده اني مش هدخل هندسه (ملحوظه:سبب درجتي في سنه تانيه الرياضه لاول مره في حياتي انقص فيها دا كله الله يسامحه ويغفرله المدرس اللي كان بيدرسلي ساعتها)
بصراحه انا المدرس بتاعي كان بيحسسني بفخر غريب وعجيب لما كان بيشرح الرياضه
وكان دايما يقول انا بتعامل مع ناس رياضه يعني عقول كبيره
( هو اكيد كان بيشتغلنا بس انا كنت بحب اسمع الكلام دا)
يمكن هو دا السبب مش عارفه
المهم ان انا فعلا مكن افتقد الرياضه
لدرجة ان لو جالي تربيه هدخلها قسم رياضيات
معلش طولت عليكم بس كان لازم اقول الكلام دا ولقيت ان احسن مكان هو هنا لأن محدش يعرف انا مين
شكرا على سعة صدركم

اها وانا والله انا بعد كل إمتحان رياضة وبذات الاستاتيكا كنت بحبها اوى معأنها كانت سعات بتتغابى عليا

وعلى فكره انا برده نقصت فى تانية فيها كتير بس اصريت انى اكمل رياضة لأنى عارف العيب مش فيا العيب فى راجل حاطط إمتحان ملوش علاقة بالطالبة فكرنا جايين من المريخ

بس على العموم الرياضة كانت احلى حاجة فى ثانوية عامة كلها مادة كده تستمتع وانت بتحلها ويسلام لو مسئلة صعبة بقى وانت حلتها كنت ببقى طاير وفى قمة السعادة فييييييينك يا رياضة