علم نفس ولا احصاء

[Dr. Toka]

بصى ياقمر
انا كنت تالتة السنة دى وكنت واخدة علم نفس بجد بجد مادة سهلة وممتعة جدا جدا جدا بجد حلو اووووى بجد وتلت ارباع الطلبة بتجيب 50 بجد مادة عبيطة بس عايزة اهتمام ومراجعة كتيير وهتفيدك جدا فى حياتك ونصيحة منى اياكى والاقتصاد والاحصاء اوعى تقربى منها لان امتحاناتها بتيجى وحشة فبلاش احسن صحيح هى سهلة بس امتحاناتها مش سهلة وانتى مش هتستحملى انك تنقصى فيها 4 او 5 درجات الواحد فى تالتة داخل يقفل مش ينقص
بالنسبة للمستوى فالانجلش انا كنت واخداه لانه مستقبل بمعنى انك لو حابة تدخلى كلية لغات زى السن فدى بتشترط درجة معينة فى الانجلش مثلا حوالى 47 فلو انتى جايبة مثلا 45 وواخدة انجليزي مستوى هياخدوا الدرجتين دول منه وبعدين الانجليزى ميزته انه لو خرجتى غلطانة كتيير هتلاقى نفسك فى الاخر ناقصة درجة واحدة او درجتين بالكتيير بس هو محتاج مذاكرة يعنى مينفعش تذاكريه ليلة الامتحان بس لا محتاج مذاكرة من اول ماتبدأيه وتحلى عليه زيه زى المواد بتاعتك لازم تهتمى بيه اهو عبارة عن دروس بتحفظى عليها اسئلة زى سنة اولى ثانوى لو تفتكرى اولفر تويست لما كنا بنحفظه وتيجى عليه اسئلة هو كدة بالظبط بس على فكرة متقلقيش هما كام سؤال اساسا مش بيتغيروا معظم الامتحانات بتجيبهم هما هما فسهل وبيبقى عندك كام درس جرامير هبل كدة المشكلة بقى فى الامتحانات بتاعته انه عبارة عن 3 قطع بيجولك زى الامتحان العادى فممكن تلاقى كلمات فيهم مش عارفاها بس لو ركزتى هتعرفى تحلى ان شاء الله انما العربى سهل اوى وناس كتير بتقفله بس هيدايقك لو حبيتى تدخلى كلية لغة زى ما وضحتلك وبعدين هو عبارة عن 14 درس قراءة بيجيلك منهم 2 فى الامتحان وقطعتين بلاغة والنحو فى البلاغة بس مش بيبقى اعراب صعب اوى فانتى قدامك كدة فى المستوى يااما عربى يااما انجليزى متفكريش فى حاجة تانى لان الاحياء بصراحة وحشة اوووى والناس اللى اخدوا احياء السنة دى ناس كتير منهم قالوا ان الامتحان كان وحش ومحدش عرف يحط فيه قلم لو انتى شايفة ان مذاكرة 14 درس قراءة فى العربى حاجة سهلة وانتى مش فى دماغك حكاية كلية لغة دى خلاص اتكلى على الله وادخلى عربى بصراحة انا اللى خلانى مخدتش عربى انى مش بحب البلاغة ومقدرش اذاكر 14 درس مرة واحدة لان انا اساسا ال8 اللى عندنا فى المنهج العادى كنت بكرههم وانا كمان حاطة فى دماغى السن ان شاء الله فعشان كدة اخدت انجلش ربنا معاكى وسورى طولت عليكى وابقى قوليلى بقى استقريتى على ايه ولو عوزتى اى مساعدة قوليلى
اه نسيت اقولك بلاش فلسفة لان امتحانات الفلسفة مش بتيجى دايما حلوة يعنى السنة دى مثلا كانت فلتة والامتحان جه اعبط من العبط بس الحقيقة انها مش كده على طول يعنى ساعات بتيجى امتحاناتها رخمة جدا انما علم النفس على طول سهل بس انتى تهتمى بيه وتذاكريه من كتاب المدرسة ومتعتمديش بس على ملزمة المدرس بتاعك لان فيه حاجات فى كتاب المدرسة مهمة اوى مش بتكون موجودة فى ملازم المدرسين