بنات وبس

[marmora alamora]

اولا انا عامله الموضوع ده علشان البنات الحلوين

طبعا حياتنا مليانه مشاكل وبنحس على طول ان احنا زهقانين ومخنوقين مش حاسين بطعم الحياة تعالو ا بنا نروح رحله 0000؟

طب رحله فين 000000؟

رحله للجنه المكان ده كل الناس بتبقى فرحانه فيه مفيش حد زعلان

اول حاجه قبل ما اكلم معاكوا عايزه اقولكوا ان ربنا بيحبكوا انكوا وصلكم الكلام ده
نبدا باه فى الموضوع :

عايزه اتكلم معاكوا فى موضوع الحجاب 000يا ترى انت محجبه والحجاب الى انتى لبساه ده يسمى حجاب لا طبعا لان الحجاب مش مجرد حاجه ملفوفه على شعرك الحجاب يعنى لبس المراه المسلمه
حجاب اصلا تعنى يحجب ويمنع ويغطى وده مش متوافر فى لبس البنات الزمن ده 0000
طيب ايه هدف الحجاب ؟
هدف الحجاب انه بيحمى البنت المسلمه ويمنع عنها ذئاب البشر وعلشان نحمى الشباب من فتنه النساء وربنا اللى فرض الحجاب وهو اعلم بينا وبمصلحتنا وبللى فيه خير لينا واللى يخالف امر ربنا 000يستاهل عقابه 0000
مفيش حاجه اسمها لبس محترم او غير محترم
يعنى مينفعش لبس بنطلون واسع وفوقه فيست مغطيه
فيه حاجه اسمها اللبس الشرعى الاسلامى زى ما وصفه الله عز وجل والرسول صلى الله عليه وسلم معلهش يا بنات لو شديت فى الكلام متزعلوش منى اصل انا خايفه عليكوا والله انا ممكن اضحك عليكوا واقول ان اللبس ده اسلامى ومحترم والبس انا الزى الاسلامى الصحيح بس انا عايزه كلنا ندخل الجنه سوا
بالنسبه للبنات اللى بيتاثروا بكلام اصدقائهم واصحابهم هم مش هينفعوكوا بعدين والبنات اللى بتلبس زى مش اسلامى بيجيلها ايه يعنى من كده؟ اقولك انا بيجيلهم ايه ان كل واحد بينظر ليها هى بتاخذ ذنبه شوفوا باه فى طريقها عدد كبير اوى من الشباب بيشفوها يعنى فى نص ساعه تاخذ ملايين الذنوب غير ذنوبها لوحدها يعنى فى النار على طول
شروط الزى الاسلامى ؟
1-الحجم مغطى نصف الجسم اللى فوق 0000كله 0000كله
2-الشكل مش مثقوب ولا شفاف ولا مطرظ
3-اللون مش الوان ملفته
ثانيا:العبايه :ميعرفش اللى يشوفك حجم جسمك تخينه 00رفيعه00
تكون طويله -قماشتها سميكه مش شفافه
الالوان البسى اى لون يعجبك بس اياكى الالوان المتداخله والفاقعه اللى تخطف عين اللى يبصلك
مفسدات الحجاب :
1-البرفان
2-المكياج
3-الكعب العالى
اتمنى الموضوع ده يعجبكوا وتستفادوا منه وتاكدوا ان ربنا مش هيضيعك وانتى نفذت اوامره وبعدتى عن اللى نهاكى عنه
ومعلهش باه لو تقلت عليكوا شويه 000اوعا حد يزعل منى انا قولت اهه بااااى باه يا حلوين انا منتظره ردودكوا