ممكن تساعدوا طالبة قلبها بيتحرق من القلق

[الملاك الباسم]

انا خلصت تالتة أدبى من الأول جبت السنة اللى فاتت 88 فى المية واللى وقعتنى الرياضيات اماعن باقى المواد

كنت تحت النهائى بدرجة او اتنين بالكتير اوى..السنة دى كنت بذاكر على اساس انى اجيب 95 فى المية كنت بعمل

اللى عليا لدرجة انى فى المدرسة كنت من الاوائل اغلب الشهور اللى رحتها و فى الاواخر بدأت أشد على نفسى

لدرجة ان الى حواليا حتى المدرسين توقعوا لى ال95 دى وكنت بدعى ربنا بجد يوصلنى ليها--جت الإمتحانات والبداية

كانت مع العربى حاسة ان نص الاختيارات عندى غلط والتعبير مكانش عاجبنى ومعرفتش اكتب فيه كتير كل اللى كتبته

صفحتين وش وضهروسبت سطر والغباء بقى انى بعدماخلصت اول سطر واية بكتب التانى نسيت اسيب سطر وسبت

فى الباقى وده زاد من توترى وقتها--بعدين الانجليزى كان الحمد لله حليت كويس--والفلسفة كمان حليت كويس الحمد

لله--نيجى للجيولوجيا بقى انا الماده ى مكنتش بذاكر غيرها اخدت فيها دروس اضافية فى اخر شهرين عشان احسن

مستوايا كنت بسهر ليالى بسببها حليت كل حاجة ممكن تتحل وكان معروف عنى انى بحل الاسئلة الصعبة

--والمستر بتاعى كان متوقعلى فيها 49 من خمسين وانى اكيد هجيب كدا ان شاء الله يجى الامتحان الكارثى اللى

جيه الاسئلة طويلة جدا ومكانش عندى وقت افكر بس كتابة وحليت السؤال السادس وبعدين الخامس ومكنتش

عارفة للسؤال اول من اخر وكتر خير الدنيا انى سطرت--علم النفس كان كويس بس كنت تعبانة فكنت بنسى الكلام

فمليان اكسات صغيرة والكلام اللى نسيته فوق بس كانت حاجات بسيطة اللى عملت فيها كدا وعلم الاجتماع كان

سهل جدا ان شاء الله درجة حلوة فيه--المستوى بتاعى فلسفة كان يوم ماتش الاهلى مكنتش نايمة كويس قبل

علم النفس وشفت اجزاء من الماتش وذاكرت المستوى مكنتش فاهمةحاجة ورحت الامتحان مطبقة ونسيت كل

حاجة قدام الورقة وكتبت من فهمى لانى كنت فكرة العناوين الرئيسية وشوية من شرح المستر--الوطنية والدين

هنجح فيهم ان شاء الله--انا كان حلمى ادخل اعلام او السن جامعه القاهرة لان مش هينفع عين شمس عشان انا

من القليوبية--بس انا حاسة ان حلمى اتدمر تماما انى اكون مديرة علاقات عامه اومترجمة انا بعشق اللغات

وبتكلم تلت لغات اتعلمتهم بمجهودى الشخصى ومش هقبل فى ترجمة فورية لان اللغة التانية كانت المانى-خايفة

من التنسيق خصوصا لما بصيت على تنسيق السنين اللى فاتت لقيت نفسى ان انا كدا ممكن ملحقش اى

حاجة--بجد قلبى وجعنى اوى ومش عارفة النتيجة هتبقى ايه بس حطيت توقع انى ممكن انقص عشر درجات مثلا

مش عارفة اعمل ايه-ياريت حد يساعدنى او يطمنى بجد مخنووووقة