. مش حسيب حقى و حنزل التحرير

[Sofia El-behairy]

[size="5"]بتقول إيه؟ مش سامعك علّي صوتك شوية طيب!! مسلم؟ مسيحي؟ إشتراكي؟ ليبرالي؟ إبريلي؟ سلفي؟ إخواني؟ صوفي؟ مليش يا عم في الكيانات دي؟



مش سامعك بجد، بتقول إيه؟ عجوز؟ صغير؟ طفل؟ شاب؟ سيدة؟ شابة؟ أهلاوي؟ زمالكاوي؟ لأ لأ مش هاينفع كده..

انت مصرى و حتنزل بكره تانى ..تنزل تكمل نجاح ثورتنا تحب اقولك ليه ؟؟

و تنزل عشان دم الشهيد الى قتلوه اخدوا براءه و حتنزل عشان مغربي و غيره الى سرقوا الملايين و مليارات اخدوا براءه ..
هننزل يوم الجمعه القادمة 8 يوليو .. لأننا مش حاسين أن فيه تغيير

لأن قتلة الشهداء بياخدوا إفراج .. وإحنا بنتحاكم محاكمات عسكرية ظالمة

لأن حسني مبارك قاعد في شرم الشيخ .. ومصابين الثورة مش لاقيين علاج
لأن جهاز الشرطة فيه قيادات فاسدة لسه بتتحكم في الشارع
لأن أهالي الشهداء بيتم الاعتداء عليهم بدلا من تكريمهم


علاء الأسواني : أخطأنا في حق الثورة مرتين .. المرة الأولى عندنا تركنا الميدان يوم 11 فبراير قبل تحقيق مطالب الثورة كاملة .. والخطأ الثاني عندما ظننا أن طريق الديموقراطية ممهد

بلال فضل : إذا كان المشير طنطاوي متوقع من أهالي الشهداء أن يصبروا ويضحوا عشان مصر .. لازم المشير يضحي بعلاقته بمبارك من أجل مصر في الاول .. وكيف نحاكم الثوار والناشطين محاكمات عسكرية ونمارس أقصى درجات الدلع القانوني للنظام السابق وضباط الشرطة

وائل غنيم :
بكره إن شاء الله يكون المشهد زي جمعة النصر .. نرجع لنفس الروح الواحدة والإيمان بقضية مصر ..لا نتعصب لا لأشخاص ولا لأفكار أو آراء .. نحترم حق من سالت دماءه عشان بلده ونطالب بحقه وحق أهله وحق أولاده .. ننادي بتغيير حقيقي يصحح مسار مصر اللي ماشي للخلف بقاله 30 سنة .. أشوفكم بكره في الميدان .. لا تحرير مع اليأس ولا يأس مع التحرير


يا رب احفظ مصر من كل سوء
[/size][/size]