هو ده احنا و لا حد تاني ؟؟؟؟؟؟

[ningooooo]

السلام عليكم و رحمة الله و بركاته

انا شايف ان في غضب و قلق من قبل اولياء الامور و الطلاب بسبب الارتفاع المتوقع في الحدود الدنيا للكليات و اللي ممكن يضيع آمال طلاب كتير و انا اولكم بس عندي تساؤل مش احنا الطلاب اللي كنا بيطلع صورنا و احنا فاتحين (بوقنا ) مترين ابتهاجا بالامتحانات السهلة ؟ و لا ده كان طلاب تانين مش احنا اللي اعدنا عملنا اللي ميتعملش للدكتور احمد ذكي بدر علشان جاب امتحانين يعني ممكن نقول مستواهم عالي ؟ و الكل كان عاوز امتحانات سهلة و لما جينا السنة دي اثناء الامتحانات لما كان حد يقول الامتحانات سهلة زيادة عن اللزوم كان الغالبية يقوموا عليه و يقولولوه حرام عليك خلينا ننجح و حب لاخيك ما تحب لنفسك و الكلام الكتير ده و احنا اللي خلينا شوية جرايد بتتلاعب بينا دلوقتي اول لما يشوفوا دمعة طالب يقوموا الراي العام علي الوزير لغاية لما وصلوا وزير التعليم الحالي للخوف ده لدرجة اننا وصلنا لهذا المستوي الهزلي من الدرجات و الامتحانات الساذجة و الغش و هو لا يشعر بحجم المصيبة اللي وقعنا فيها و خاصة طلاب 2 ثانوي اللي واضح كدة انهم هيشوفوا تنسيق تاريخي هيفضل الكل يتحاكي بيه فيا جماعة ياريت نعرف ان هذه الثورة الجليلة لم تكن في صالحنا علي الاطلاق لان الناس فهمتها غلط الناس اصبح عندها يقين ان كل حاجة لا تاتي الا بالدراع و الصوت العالي علشان كده شايف في اتجاه بين الزملاء لتنظيم اعتصام و ده اسلوب كويس و محترم للحصول علي الحق لكن بالتاكيد هيفشل لانهم مش منظمين و انا معترض علي لاني شامم فيه ريحة انتهازية و كنت اتمني اشوف اعتصام اعتراضا علي المستوي الهزلي للامتحانات و الغش المنتشر بكثرة و فساد المراقبين لكن للاسف لان الغالبية مستفيدة من كده ما حدش فتح بوقه لدرجة اننا وصلنا هذا الوزير لدرجة انه اصبح ناجح و طبعا حضراتكم عارفين الصحافة الفاسدة بتاعتنا اللي لو كان جه امتحانات صعبة كان الراجل ده اول واحد فلسع لكن نلتمس له العذر فاداءه لا يختلف عن اداء حكومته الوهنة المرتعشة.


و ده تعليق عجبني من الأهرام

مازال الفشل يلاحق وزاره التربيه والتعليم فيدخل الكليات طلاب حاصلون على الدرجات النهائيه وليس لديهم اى قدرات عقليه ولم لا والوزاره تتباهى بسهوله الاسئله وعندما تأتى باسئله تعتمد على الذكاء العقلى فالجميع يرفض وها هى النتيجه مهذله تعليميه فلتعطو للاوائل مسئله معقده وترو من يستطيع الجواب فللاسف الشديد لن يجاوب الا القليل فالطلبه الان يحفظون الكتب والنمازج التى تعرضها الجرائد دون اى تفكير والنتيجه دكتور فاشل يضيع تحت يده الكثير من الاشخاص او مهندس فاشل تنهار على يديه المبانى وتتباهى الجرائد بأن الامتحان 90% من نمازجها والنتيجه طالب فاشل بمجموع عالى نعم ذاكر واجتهد نعم لكنه حفظ ولم يفهم وللاسف السبب فى ذلك هى وسائل الاعلام فكيف سيتم اصلاح التعليم ومازالت تلك هى افكار الوسائل التعليميه