استفسارات عن هندسة

[fire king]

لي بعض الاستفسارات اتمنى من الاخوة الاجابة
اولا قصتي التعيسة
طالب كنت كل سنة اطلع من الاوائل على المدرسة ان لم يكن الاول وكنت بحب الابداع والفن والهندسة (بس مش زملكلوي) واعشق الطائرات
وفي ثانوية عامة كان حلم والدي اني ادخل طب وده المتوقع ليا والطبيعي بأذن الله
لكن للاسف نقصت حوالي 6 درجات في الكيمياء نسفوني وجبت 95 % في الوقت اللي الغش والموبايلات والتكنولوجيا الحديثة عملت فيه دور مهم والمتخلفين جابوا 98 /99 % وبقى الاوائل هم الطلاب المتوسطين والضعاف ( منهم واحد كان عنده ملحق رياضه في اولى وجاب 96% )
وبكده طبعا ضاعت فرصتي في المنافسة والتعويض

وبكده عاد حلم الهندسة من جديد وطبعا سمعت عن قسم هندسة طائرات

طلبي:
1- اتمنى ان تزودوني بأي معلومات عن هندسة الطائرات وهل تتوافر فرص العمل في هذا المجال ولا هقشر بطاطس بعد الكلية ؟ وهل يمكنني دخوله (انا من الاسماعيلية)

2- ما هو افضل قسم في هندسة خصوصا اني سمعت ان في تنسيق بعد السنة الاولى ؟

اخيرا انا سمعت ان كلية هندسة في اسماعيلية جديدة ويسهل التعيين فيها كمعيد . صح الكلام ده ؟