قابلت شباب 6 ابريل فى الاسكندرية ودار هذا الحوار

[ام ياسين وآمر]

المشاركة الأصلية كتبت بواسطة أبو عبدالله 2011

الله اعلم بالحقيقة بس كان نفسى الجيش يقول الدليل كذا

انا مش برتاح لبتوع 6 ابريل بس مش مصدق الجيش لو كان عاوز يخلص الدنيا من القرف كان عمل

1 محاكمات عند قضاة ما فيش عليهم كلام امثال قنصوة

2 طرح برنامج او مشروع قومى

يا ترى ايه ال خلى جمال عبد الناصر محبوب

1 السد العالى

2 تأميم قناة السويس

برغم ان عبدالناصر خرب مصر بس الناس هتفتكر الكويس

على المجلس العسكرى طرح مشروع قومى لكل المصريين

انا شوفت فى قناة التحرير مع بلال فضل عالم بيتكلم عن قناة موازية لقناة السوبس بحيث تكون قناة رايح وقناة جاى ليه مايطرحش الفكرة على الشعب ويخصص نسبه 25 % من الاسهم للاكتتاب العام وليكن مثلا 50 مليون سهم قيمة السهم 1000 جنية ويكون للمصرين وفقط بحد اقصى 5 الاف سهم
ويجعل المقاولون العرب الشركة الام والمقاولون توزع على 25 شركة فى طرح عالمى

شوف لو الفكرة دى دخلت حيز التنفيذ كام فرصة عمل

وخلى بالك بين القناتين هيكون هناك استثمارات وذلك لوجود الايدى العاملة وقلة التكلفة وسهولة النقل

وهتكون هناك ميناء كبرى للتفريغ والتخزين احسن من دبى ال حر او هونج كونك البرد

عرفت ليه انا لا مصدق دة او دة لان الكل صاحب مصلحة مش بيفكر فينا احنا ال مطحونين

والله من وراء القصد

طبعا الفكره دي لا غبار عليه هتفتح مجالات شغل كتيره جدا وفرص لتطور كبير وموارد ماديه كبيره
ممكن تعرضها علي المجلس في الاجتماع القادم