اسأل اللى بعدك

[LoOoLy El Treikawya]

احم طب لى الاحراج دة بس

حقيقى حقيقى انا حتى لما بفتكره بتحرج ومحرجة احكيه

الموقف كالآتى

فى كاس افريقيا التالت على التوالى لمصر

فى يوم ماتش مصر والكاميرون كانت مصر مغلوبة وانا راجعة من الدرس مخنوقة بقى ومليش نفس لحاجة وكانت ماما واختى بيسمعو الماتش مع جارتنا ((اللى انا كنت فاكرة انها لوحدها وجوزها واخو جوزها برة كعادتهم)) بس عارفة نفسى اول ما هييجى الجون هتعفرت فحبست نفسى فى الاوضة عشان مسمعش الماتش وعمالة اقول يا آية ((اللى هى انا )) متتجننيش لو مصر جابت جون دة مش معناه اننا كسبنا اهدى واعقلى وكدة يعنى المهم راح جه الجون وانا محستش بنفسى غير فوق عند جارتنا دى

واول ما الباب اتفتح بقوللهم جوووووووووون ومنطلقة جداااااا بس اللى كان فى وشى ساعتها اخو جوزها اللى اتخض منى بقى انا مرة واحدة وقفت وبقول فى سرى مين دة هو انا روحت فين وكنت هموت من الكسفة وكلهم ضحكو عليا وانا واقفة ومش عارفة اعمل اى روحت استخبيت فى الطرقة بتاعتهم من الكسوف

وبعدها حاولت استوعب الموقف ورجعت وتمالكت نفسى وكملت الماتش معاهم ومصر فازت مبرووك وشفت معاهم ماتش الجزائر اللى بعدو كمان رغم انى قلت لجارتنا لما عزمتنى اشوفه معاها دة لو مصر كسبت خمسة صفر مش هطلع بعد اللى حصل بس من اول جون طلعت بس كنت حريصة بقى ومبينتش جنانى مع انه خلاص اتعرف

وفيه موقف تانى مش هحكيه

نفس السؤال ((اشمعنى انا اتحرج واحكى يعنى))