التعليم بايظ والجامعات الخاصه

[Shamy shemo]

بصراحه كده انصح اى رجل اعمال بجد يبنى مدارس وجامعات على حسابه

عشان خلاص التعليم قرب يبقى بفلوس والمجانى خلاص سلام عليكم

دلوقتى اللى جايب 96 % او حتى 96.5 % وتعب اهوه مش هيطول اى حاجه

هيطول اية بيطرى؟؟؟ اكيد هو عايز صيدله او طب او اسنان

وضاع مستقبله مع انه فى الماده اللى تأهله للكليه الطب مثلا او كده مقفلها وشاطر فيها لكن ماده تانيه ملهاش لازمه هيا اللى نزلته فى المجموع وخلاص مستقبله راح وكل اللى بيحبه راح ويدخل مجال مبيحبوش واكيد مش هيبدع فيه
ساعتها هو يفكر مع ابوه لازم ادخل جامعه خاصه وادخل فيها الكليه اللى انا احبها

ومش مشكله كام ألف يتحرقوا بجاز بس اهم حاجه مستقبل ويضمن الحاجه اللى بيحبها ويبدع فيها ودلوقتى اهوه الجامعات الخاصه خلاص قفلت وعدد الطلاب المقدمين خلاص خلص اسرع من اى حاجه

ليه ميكنش المواد اختيارى؟؟؟ عشان نختار المواد اللى هنقدر نبدع فيها وندخل بيها الكليه اللى بنحبها وهتدينا دافع نشتغل ونبدع ونقدم حاجات كتيره للمجتمع

وفعلا ( التعليم بايظ )

FC