ازاى تعرف تنام .....مع الخرفان

[الاستاذ محمد سرور]

السلام عليكم ورحمة الله وبركاته

بداية الاسم غريب
نفسره مع بعض

كنت مش عارف انام خالص
ومحتاج انام ولو ساعة ومش عارف
المهم افتكرت نصيحة للنوم كنت سمعتها

لو مش عارف تنام تخيل ان فيه مزرعة خرفان ...
والخرفان بتهرب منها وتنط من فوق سور المزرعة
وافضل عد فى الخرفان اللى بتنط لحد ما تنام

المشكلة بقى انى حاولت اطبق الفكرة دى وبرده معرفتش انام

رجعت بعدها للشخص اللى قالى الفكرة وقلتله فكرة فاشلة

قالى ازاى !!!!

قلتله تخيلت المزرعة وفضلت طول الليل سهران مستنى خروف واحد حتى ينط من فوق السور ويهرب
ولا واحد نط من على السور

قالى ازاى كدة ...لازم ما دام اتخليت المزرعة حتقدر تتخيل الخرفان وهى بتنط من على السور

قلتله اصل انا كنت متخيل سور المزرعة عالى
ومفيش خروف عرف ينط
.
.
.
.
.
.
.
.
.
.
.
.
.
.
.
.
.
.
.
.
طبعا دى مش نكته ولا حاجة وان كان ظاهرها كدة
لكنها قصة من تأليفى

بس هو المقصد اننا عندنا عقول جميلة جدا ومتميزة فى بلدنا
بس للاسف تفكير الكثير منهم بيجى الى حد معين ويوقف

وللاسف نجاحتنا مش بتستمر كتير وعلى اسباب تافهة بتقف
يعنى انا اتخيلت كل حاجة ومش عارف اتخيل سور واطى شوية علشان الخرفان تنط

السؤال هو ليه بنقف عند نقطة معينة
مع اننا نقدر نكمل مشوار النجاح

ولما بنسافر برة محدش بيقدر يوقف نجاحنا