لدواعي امنيه

[اخو الكل]

لدواعي امنيه انك لو طلبت من اللي جنبك قلم ممكن يطلع اللي فجيبو يضربك بيه (وما ادراك ايه اللي فجيبه)

ولو اشتكيتو للاستاذ هيطلع الخرزانه ويضربك ويوديك للمدير

ولو روحت للمدير هيعملك استدعاء ولي امر ويوقفك اسبوعين

ولو اشتكيت المدير للاداره هيتهموك بالكدب وتتحول للتحقيق

(انت كده موقفك وحش اوي)

هيتصعد الموضوع للوزير وكده يبقى عليه العوض فيك

هتشكي للوزير مدير الاداره هيقولك انت ايش دخلك فشؤون البلد دي سياسه عليا

هتاخدك الجلاله وتغلط فالوزير هيوديك رئيس الوزرا

هتشكيلو الوزير هيقولك مانا عارف كل حاجه فالبلد هتكتر هينده العتاوله بتوعه وتروح للريس

هتشكي للريس رئيس الوزرا هيقولك معلش وهيسفك تهدي اعصابك فمصيف (ورا الشمس) قريه درب التبانه


فنصحتي ليك خد قلمك معاك قبل ماتخرج من البيت
او اشتري واحد قبل مايغلو هما كمان