قالوا مجنون اللى يفطر بره البيت !!!!!

[صوت العقل]

قالوا مجنون اللى يفطر بره البيت !!!!!

السلام عليكم ورحمة الله وبركاته ..

اتمنى الجميع يكونوا بخير .. وطبعا مش هنسى اقول كل سنة وانتم طيبين..

انهارده كان عندى عزومة.. اه عادى ما كلنا فى رمضان بنتعزم ..

انا عارفة ان ده ردكم .. لكن حقيقى كانت عزومة تفوق الخيال ..

فيها كميات وانواع كتيرة من الاكل .. وكاننا فى الف ليلة وليلة ..

شعرت انى فى كوكب تانى .. فكرت ان نظرة الناس لرمضان اتغيرت

لكن حقيقى لسه فيه ناس بتدور على الاكل وانواعه والصحبة الكتيرة ..

هنبدأ الحكاية بانى وافقت على الدعوة دى بالحاح منهم وضغط ..

اولا..كان لازم الحضور بوقت معين بمعنى ان كل الناس لازم تيجى بعد الصلاة

قلت وماله يوم ويمر ومش ازعل حد منى وابقى براحتى بعد كده ..

ثانيا ..لاقيت الدعوة موجهة لخمس اسر ههههه يعنى فيه ناس كتيرة ليكم تتخيلوا

كل اسرة باولادها واحفادها كانت حضانة ..ودوشة طول النهار

وفتحت باب الاختلاط بين اولاد الاسر دى .. وحقيقى صدعت من كتر رنات

الموبايل وهزارهم الغريب .. اه نسيت اقول انهم كلهم اصحاب ..يعنى كل شئ عادى بقا

ثالثا ..ما يحدث داخل المطبخ كان مهرجان تانى .. كانت كميات الاكل كثيرة لدرجة

محزنة بجد فكرتنى بمجاعات العالم والناس اللى غلبانة ومش لاقية تاكل وغيرها

بيتصرف ببذخ واسراف مالوش داعى الا للمظاهر الفاضية ..

رابعا ..لما قربت المغرب تم عمل اماكن للاكل .. اعتقدت ان الستات لوحدها

والرجالة لوحدها لكن فوجئت باختلاط الجميع واى حد قعد فى اى مكان

ما هو عادى بقا كلنا اصحاب .ما هو احنا فى امريكا ..

لما اذن الاذان التفت الجميع للاكل والكلام والضحك بطريقة ملفتة وهيصة شديدة

حقيقى كنت كانى فى رحلة .. استحالة اكون يوم فى رمضان ..

المحزن جدا انى لاحظت طوال النهار مفيش شخص مسك المصحف لقراءة القرأن

وده طبعا مش مقياس ما هو ممكن تكون القراية بالليل والله اعلم ..

بس حقيقى حزنت لضياع الوقت فى امور تافهة ..

كمان التليفزيون مفتوح على البرامج التافهة والمسلسلات والحاجات اللى تضيع الصيام

طبعا انا مش من هواة التليفزيون لكن مش عاجبنى ضياع الصيام على الفاضى ..


لسه الناس فاهمة رمضان غلط فكرونى باغنية رمضان الشهيرة لصباح مع

فؤاد المهندس الراجل ده هيجننى . هنا اغير شويه واقول الناس دى هتجننى !!!


ليه تفكيرهم ان ده رمضان بس !!!!


ياترى هو ده رمضان ؟؟؟ جميل اللمة لكن متهيالى بحدود !!!

جميل اننا نقدم احسن ما عندنا لضيوفنا لكن اكيد باعتدال

ولا ايه رأيكم انا قيمت الامور غلط ولا هى فعلا غلط !!!

حد يفهمنى

تقبلوا تحياتى !!!