مين بدأ فيزيا

[khawarismy]

ياجماعة انا خلصت الثانوية السنادي ودخلت صيدلة الحمدللة واحب اقولكم محدش يسمع كلام اللي يقوله ان الفيزياء صعبة بجد والله من اكتر المواد الممتعة في الثانوية ومنكرش انها محتاجة مجهود كبير بس ده الاكيد علشان تقدر تتميز فيها واولها سهل جدااااااااااااااااااااااا كلام معظمه في تالته اعدادي وفي ناس كتير هيقولولك اني اصعب باب فيها الباب الرابع الكهربية والله متصدقهمش ده اللي يفهم بجد ويحل عليه كتير هيعرف انه اسهل باب فيها بالنسبالي انا اكتر حاجة كانت مجنناني فيها قاعدة ارشميدس في الباب الثاني دي فعلا صعبة شويه بس بالحل الكتير برضو بتبقى سهله في الاخر ونصيحه بجد محدش يقيم مستواه في الفيزيا من اول السنه علشان طبعا فيه حاجات كتير مش هتفهمها غير لما تحلها اكتر من مرة انا الحمدلله جبت فيها 50 وكنت اول السنه ضايع فيها بمعنى الكلمة بس حليت فيها كتير والحمدلله بقيت اعشقها اكتر من اي مادة تاني

كتاب الامتحان ........ لا غنى عنه ..... والله الكتاب ده اسطوره واللي مش هيحله هيندم بعد كده كتير

نماذج الوزاره .....مهمة جداااااااااااا وفيها افكار جديده

كتاب المثالي ....... بصراحه الامتحان احسن منه بكتيرررررررررر يعني يعتبر ملوش لزمة

كتاب الوسام ........حلو بس ده للي خلص كتاب الامتحان وعايز يزود معلواته علشان بجد مليان افكار صعبه جدااااااا واكيد مش بتيجي اخر السنه يعني للتدريب على الصعوبة فقط

وياريت مسائل السنين اللي فاتت تتحل من اول السنه هتريحكوا كتير في المراجعه وان شاء الله ربنا معاكوا وكل واحد يدخل الكليه اللي نفسه فيها