لزيادة مرتبات المعلمين رغم أنف الوزير

[مستر بطاطا]

الحقيقة كتبت هذا العنوان لأهمية الموضوع وترغيب جميع المعلمين لمدارسة هذه الفكرة الرائعة
بعد لف ودوران وتفكير عميق لقيت الكل بيدوس علينا بالجزم وبحكم وظيفتى اخصائى اجتماعى

لقيت حل طبعا :

الجميع يتجاهل ثورة المعلمين ورفع الظلم الواقع علينا سواء وزير التعليم الهمام أو وزير المالية أو غيره ......
عندى اقتراح ياريت تفكروا فيه كويس جدا وبلاش تستعجلوا فى الرد
الهدف من الاقتراح هو زيادة دخل المعلم المصرى رغما عن أنف الحكومة التى تتجاهل مشكلات المعلمين تماما

الاقتراح هو :

أن يقوم المعلمون فى كل مدارس جمهورية مصر الملوخية بزراعة محصول البانجو فى حدائق المدارس وكمان الحوش بالمرة وندرب الطلاب على رعاية المحصول ونعلمهم يعتمدوا على أنفسهم خلال فترة الدراسة والإجازة الصيفية وندربهم كمان على عملية التسويق والتوزيع ونكون كدا علمناهم صنعة يكسبوا منها عيش ويخفوا الضغط عن أهاليهم من المصاريف ويتم توزيع ربح محصول البانجو على المدرسين حسب الكادر الجديد

( كادر البانجو )

بدون أى اختبارات

وبهذه الفكرة الرائعة فى بلاد الهبل والعبط اللى احنا فيها نكون خدنا أكثر من اللى الحكومة بتذل الناس بيه
وكدا يبقى تمام يا سعادة البيه

ملحوظة / أرجو من زملائى الأعزاء معلمى مصرالشرفاء ألا يحزنوا مما نلاقيه من سوء المعاملة التى ستنعكس علينا وعلى المجتمع وحتما سيأتى يوم يرتفع فيه شأن المعلم المصرى

تقبلوا تحيتى
اخصائى اجتماعى