انا فى مشكلة ومحتاج ارائكم كلكم

[أمير اليأس]

الحقيقة انا متشكر جدا جدا لكل الناس اللى اهتمت انها تضع رايها فى موضوعى بشكر بشكل خاص أحمد رضا لانه بجد من ضمن الناس اللى كنت مستنى اسمع ردها اما السادات فده انا عارفه و كنت مستنى فعلا رأيه مهما كان تقيل على قلبى بس السادات عندى غالى
وبشكر اوى Temooo انه سجل مخصوص عشان موضوعى وياريت يا صوت الحق تدينى رأيك و متشكر لمرورك و بالنسبة لاسماء مسعد لطفى انا بشكرها على مرورها و بقولها هى مش رافضة هى فى مخيلتها انها بتضحى بالحب اللى هو محكوم عليه من وجهة نظرها بالاعدام فى سبيل انها ميحصلهاش مشاكل
بالعربى كدة بتقول انه كدة او كدة الموضوع فاشل يبقى ميستحقش اننا ندخل عشانة فى مجازفات و تضحيات
ده من وجهة نظرها ونفس الكلام هعلق بيه على رد ((((حبيبي يا رسول الله)))) و بشكر مرورك وانا صليت استخارة فعلا و شفت فى المنام ان الموضوع ماشى و هيكمل و هى هتوافق بعد الخطوة الرسمية اللى انا هعملها و انا كمان حاسس انى مرتاح للقرار ده
و بقول ان كلام Temooo مظبوط فعلا بس للاسف السكة طويلة يا تيمو
انا درست علم نفس و نظريات فى التحليل النفسى و وصلت لتحليل شخصيتها تحليل كامل و عارفها اكتر من نفسها
بس كل اللى اقدر اقوله عن وجهة نظرها انها خايفة من عدم تفهم الاهل لطلبى و بالتالى العواقب هتبقى عليها مش كويسة و خصوصا اننا زمايل فى كلية واحدة من بلد واحدة و اخوها صاحبى الظروف بجد ترعب
انا مش ببرر موقفها و لكن بحاول اشرح باختصار وجهة نظرها
وانا عندى حل حلو اوى انا اعرض عليها انها تحط وجهة نظرها كرد فى الموضوع عشان الناس تقدر تحكم على الناحيتين و ربنا يسهل و تقتنع انها تحط وجهة نظرها و دعواتكوا معايا ليها