لو عاوزين اضراب بجد اسمعوني

[zatoon]

بكرة اول يوم دراسة ..ياترى اروح؟ولا أعمل إضراب؟
ماهوأنا لو ماروحتش هتكتب غياب....خصوصا لو كنت انا لوحدي ف الاضراب...وبعدين يمكن يعملوني عبرة لغيري ويعملولي تحقيق بتهمة السعي لتعطيل العملية التعليمية.....وممكن الادارة ولا الوزارة تترصدني ويعملولي تقرير زي الزفت اخر السنة...والمكافاة تروح ياعم.....لأ لأ....انا هروح.....لأ.....طب لو حكاية الاضراب دي بجد؟؟..يااااااه دانا هندم ندم اني ماكنتش مع زمايلي!!!!!
يعني أضرب ولا أروح؟؟؟؟؟؟؟؟؟
بذمتكم مش ده هيكون تفكير كل واحد فينا؟؟والتفكير ده هيكون سبب إفشال اي تحرك للمعلمين مستقبلا....عشان كده لازم نعالج العقبات دي قبل ما نعمل اي حاجة
انا شايف اننا لازم تكون كلمتنا واحدة ...اضراب يعني الكل يمتنع عن الذهاب اول يوم...لكن ازاي؟
1- لابد من تكوين قيادة.....وياريت المنتدى يعمل بادرة ويرشح لجنة لتنظيم الاضراب وينتخبوا من بينهم ررئيسها
2- تقوم اللجنة بعمل بيان للاضراب و تبدأحملة لتوقيعه من كل معلمي مصر عشان نعرف مين معانا فعلا
3- يتم جمع التوقيعات على مستوى الادارات والمحافظات وارسال نسخ منها للصحف ووسائل الاعلام
4- يوم الاضراب سيتأكد كل معلم انه ليس وحده...بل بالعكس لن تجد الطلاب ايضا بالمدارسوسينجح الامر نجاحا هائلا ربما قبل الاضراب نفسه
ارجو نشر الاجراءات على الموقع وتحديد شخص بكل ادارة ان امكن لجمع التوقيعات
لو حبيتو انا ممكن اصيغ هذا البيان واجمع عليه التوقيعات من ادارتي واكون موجود الاربعاء القادم لتوزيع اثناء التظاهر لكن لازم احس ان الناس كلها على قلب رجل واحد فعلا..زوده هيتحدد بتكوين اللجنة اللي قلت عليها
ده كلام من الاخر اذا كنا عايزين نعمل حاجة...والا خلينا نتكلم بس في ودن بعض ومحدش داريان بينا
اللهم قد بلغت اللهم فاشهد