جروب طلاب الصف الاول الثانوى

[سندريلا 4444]

المشاركة الأصلية كتبت بواسطة asmaa232

بصى قصة فنان دى انا من أول الأجازة كنت منزلة مزكرات ليها ع الجهاز وكنت كل يوم بحفظ شوية كلمات من اللى فيها بس طبعا مكنتش مركزة اوى فخلصت كل الكلمات ف أسبوع هى اصلا الكلمات مش مهمة بس انتى لازم تعرفيها عشان تعرفى القصة بتتكلم عن ايه المهم بقى بعد كدا دخلت ع التلخيص بتاعها والأسئلة حفظت اول 10 أسئلة كدا فى يومين ودا بردو ف الأجازة خلى بالك
وفضلت شهر بحاله من غير ما ابص عليها حتى
لما رحت الدرس بقى اخدنا اول حاجة الكلمات بجانب شرح القصة فمحفظتهاش لأنى كنت فكراها اصلا والأسئلة بردو متعبتش فيها أوى عشان كنت قرأها قبل كدا


بصى ياستى دا بالنسبالى ودى حالة استثناء يعنى
اقولك انا بقى ع اللى تعمليه اول حاجة تجيبى الملخص اللى هتشتغلى منه أنصحك بسربرايز تدخلى ع الكلمات علطول هى اغلبها انتى عرفاها يعنى هما عشرة 15 كلمة اللى جداد فيدوب تخدى يوم واحد على ما تحفظيهم بعد كدا هتقرأى التلخيص بتاع القصة كويس اوى مرتين تلاتة اربعة ومتزهقيش ابدا
وبعدين هتدخلى ع الأسئلة هما حوالى 22 سؤال فى بعض الكتب هتحفظيهم واغلبهم سهل هتلاقى نفسك بتجاوبى عليه كدا لوحدك
والاسئلة بتبقى 3 انواع اسئلة مقالية اللى هيا سؤال واجابة واكمل ويجيبلك قطعة يسألك عليها شوية اسئلة
وف الاخر طبعا واهم من دا كله لازم لازم تحلى اسئلة ع اللى انتى حفظتيه

بالنسبة للمدة بقى انتى تزاكريها كدا كل يوم ويوم يعنى 3 ايام ف الأسبوع ع الاقل ساعتين يوميا هتلاقى نفسك انجزتى فيها وطبعا مسألة الوقت بتختلف من شخص لشخص بس دا الوقت اللى شيفاه مناسب ليا
وأى خدمة يا قمر


ويارب يسمع منك ربنا ونبقى احنا الاتنين ف طب بشرى يااااارب
حاضر هدعيلك والله وهدعى لكل اللى هنا ف الجروب وانتى كمان مش تنسينى

شكرررررررررررررررا يا جميل وانا مش ممكن اقدر انساكي