لو حبيت تفكر .. ادخل .. مش هتفكر متدخلش .. بقلم / احمد رضا

[احمد رضا]

المشاركة الأصلية كتبت بواسطة MohammeD el_SadaT

بص يا أحمد بعيدً عن الفلسلفه

والكلام الكبير اللى إنت كاتبه ده
قال رسول الله صلى الله عليه وسلم
" تركت فيكم ما إن تمسكتم به لن تضلو بعدى أبداً كتاب الله وسنتى "
كام من بحث إستغرق مئات من السنين ومشقه ما بعدها مشقه وفى النهايه بيطلع إن القرآن متكلم عن النتيجه اللى توصل لها البحث منذ الأبد البعيد فحالياً إحنا لنا دور واحد فى هذه الأرض هو تعميرها وعباده ربنا سبحانه وتعالى ما التعمق فى عباده الله وفهم القرآن الكريم صحيحاً سوف تصل لدرجه من العلم تغنيك عن هذه الزوبعه الفكريه فى موضوعك الحل فى قراءه القرآن وفهمه

مش فى الشتيت الفكرى

جزاك الله كل خير يا محمد باشا
فعلا كلام صح جدا
بس انا يمكن اخدتها من نقطه قبليها
ان انا مراعي اللي هيقرا الموضوع مش مجرد مسلم وبس
لاء ممكن يقراه نصراني كمان
او اي ديانه اخري
فحضرتك متحطلهوش مقدمه هو مسلمش بيها اصلا
يعني تقوله الرسول قال كذا
هيقولك هو انا مؤمن بالرسول اصلا عشان اؤمن بكلامه
لاء انا دعيت للتفكير السليم
فكر سليم
هتلاقي الطريق السليم
هتلاقي ان الديانات كلها كانت بتمهد لسيدنا محمد
الديانات كلها - بدون تحريف طبعا - كان بتدعو لاله واحد وهو الله سبحانه وتعالي

بس البدايه التفكير السليم
دي مقدمه يقدر يبدأ منها المسلم والنصراني واليهودي كمان
لانه سلم بالتفكير
بقى عنده مقدمه
ومن خلال اتباع النتائج المنطقيه المبنيه عليها او المترتبه عليها
هيوصل للصح
وهنا بقى منطقتنا الايمانيه احنا
واكيد لما هو يفكر صح
والله ليوصل للاسلام
ويبقي احنا حققنا اللي احنا عايزينه
بفكرهم هما
يعني عرفناهم الصح بطريقتهم

اشكرك ياحبيبي علي المناقشة الجميله
والله نورتني بجد