لماذا كل هذا العناد يا حكومة مع ورثة الانبياء

[elmester3]

انا مش عارف الحكومة بتعند مع المعلمين لية الظاهر انها سياسة وبتتنفذ ضد المعلمين سواء قبل الثورة و بعد الثورة
الوزير ما بقاش منة رجا فكلامنا موجة دلوقتى لرئيس الوزراء نرجو النظر بعين العقل لمطالبنا ولا االحكومة واخدة على انها ما بتحلش مشكلة الا بعد المصيبة ما تحصل الحكومة مش متخيلة حجم المشكلة اللى ها تحصل مع بداية العام الدراسى يا ريتنا كنا بنطالب بحاجة مش من حقنا لكننا نطالب بشى حصل علية اقل موظف بالدولة نرجو الانتباة من الحكومة قبل الفاس ما تقع فى الراس وعلى راى محمد ابو سويلم فى فيلم الارض (أأأأأأأأأأأأأأأأأة يا بلد)
على الرغم من كل التظاهرات اللى بتحصل من المعلمين واللى لسة ها تحصل الا ان السيد رئيس الوزراء عامل ودن من طين وودن من عجين فعلا الكرسى بتاع الوزارة دة لة سحرة الخاص مجرد الواحد ما يقعد على الكرسى بينسى كل الوعود


بالصدفة بسال موظف ف الصحة بقول لة انتوا قبضتوا حوافز الشهر دة قال لى ايوة بقول لة قبضتوا كام قال لى قبضونا شهر 7 و8 مع بعض 836 جنية يعنى الشهر حافز للعامل ب418 جنية فاتريقت علية وقولت لة دا انتوا شحاتين دا انا بقبض حافز فى الشهر 67 جنية وانا بقالى 18 سنة متعين وعلى الدرجة التانية
منكم للة يا وزارة يا ولاد ال؟؟؟؟؟؟؟؟؟؟؟؟؟؟؟ب