دردشات جامعيه

[فنكوشه المنكوشه]

السلام عليكم ورحمه الله وبركاته

اولا وبصراحه الفكره مش فكرتي لكن هي عجبتني جدا جدا
وهتكون مفيده بالذات ان الموقع المفروض يكون موقع تعليمي :D

والفكره ببساطه عمل دردشات جامعيه لكل جامعه يعني هي حاجه هتشجع فى الدراسة للى لسه بيدرس وكمان اللى خلص دراسته يقدر يستفيد او يفيد غيرو من دراستو من باب ((خيركم من تعلم العلم وعلمه)) وعشان كمان الاستفاده من خبرات بعض وتجارب بعض باذن الله .
يعنى بالظبط كدة حاجة شبيهه بمجالس العلم.
هيا هتبقى اسمها دردشات جامعيه

كل كلية هيكون لها موضوع مستقل يقدر كل فرد فى الكلية دى انو يشارك فى الموضوع لو عاوز يتعرف على الناس الى فى نفس المجال بتاعو او يسأل عن اى حاجة علمية هوا عاوزها وممكن غيرو من نفس مجالو يقدمهالو .....وهكذا.

يعنى مثلا عضو من كليه الطب يعمل موضوع ويسميه ((دردشات علمية لطلبة كلية الطب)).

-----------الصيدلة---------((دردشات جامعيه لطلبة كليه صيدلة)).

---------طب اسنان--------((دردشات جامعيه لطلبة كليه طب اسنان)).

-----------هندسة--------((دردشات جامعيه لطلبة كليه هندسة)).

---------اداب---------((دردشات جامعيه لطلبة كليه اداب)).
وهكذا........
ومش شرط كليه ممكن يكون معهد
وان شاء الله الموضوع ده يكون مفيد للجميع وياريت نُحــسن استخدامه والاستفادة منه .
واى استخدام للدردشات دى فى غير السبب الاصلى المراد منها هيتم حذف المشاركات المخالفة.
وياريت ميتكررش اكتر من موضوع لنفس الكلية.

لو الفكره عجبتكوا كل واحد يبدا بكليته ويعملها صفحه