للرد على اى سؤال او استفسار مع أ/ محمد حسن ضبعون

[محمد حسن ضبعون]

المشاركة الأصلية كتبت بواسطة ايهاب العراقى

بسم الله الرحمن الرحيم

الاخوة القائمين على هذا المنتدى الجميل ... كل عام و حضراتكم بخير
انا كتبت الموضوع ده لامر هام جداااا و الكل غافل عنه وهو حق المعلمالى بيحصل على الجوده: -
حق المعلم محفوظ فهو أحد المحاور الرئيسية فى المنظومة التعليمية وقد انشأت الأكاديمية خصيصاً لذلك ولكننا نجهل هذا الأمر ونحاربه دون سبب أو معنى ( اكاديمية المعلم للرفع مستوى المعلم مهنياً وعلمياً واقتصاديا واجتماعياً ) دى حقيقة نتغافلها دائما
بالنسبه لموضوع الجودة انا كنت اعمل فى مدرسة تجريبية للغات فى ادارة الحامول التعليمية و انتقلت الان الى ادارة اخرى و هى ادارة بيلا التعليمية
مرحبا بك فى ادارة بيلا التعليمية والمفروض أن تتسلم العمل فى مجمع رخـــا للغات ويعزز ذلك مكتب الجودة بالأدارة التعليمية
اولا : انا مستفدتش حاجه فى الجوده دى غير مرتب الشهرين الى اخدتهم من الوزارة يعنى حوالى 274 جنية بالرغم اننا كنا بنعد لحد الساعه 10 باليل نشتغل فى المدرسة لمدة شهر كامل .
سهر شهر كامل هو عمل متراكم من سنوات فكل ما فعلتموه هو انجاز لأشياء كانت من البديهى أن تكون موجودة بالمدرسة فلم تستحدثوا شىء جديد بل انجز ما لم يكن موجود والشهرين على هذا الأساس
ثانيا : دلوقتى لما انا حبيت انقل ادارة تانية للاسف وزعونى على اسؤا مدارس و ابعد اماكن .. قلتلهم يا جماعه انا جاى من مدرسة و حاصل مع هذه المدرسة على شهادة الجوده قالولى ( سلمااااااااااااات يا جودة )
مين قال الكلام ده أذكر ذلك بالدليل المادى أكتب طلب لمدير الأدارة ويعززه مكتب الجودة فلك الأولوية فى أختيار المدرسة المناسبة لقدراتك وتستثنى من التوزيع
مش المفروض اننا واخدين شهادة ايزو ( زى ما ضحكوا علينا و قالولنا ان المعلم الى بيحصل على الجودة مع مدرسة مش بيتنقل غير على مدرسة بها جوده ) طبعا كل ده كلام فاضى
أنت نقلت من المدرسة اكيد بناء على رغبتك ( تقليل أغتراب) ولم يجبرك أحد على النقل الى ادارة بيلا التعليمية
قالوا ان المدرسة الى هتاخد جودة من حقها تعدل فى المناهج و كلام فاضى كله طبعا كدب فى كدب
دى حقيقة مطلوب منك خريطة محتوى وتحليل للمنهج ولك الحرية فى شرحه مستعيناً باستراتيجيات التعليم الحديث وعمل تقييم ذاتى للمنهج ورفعه للمستوى الأعلى لأتخاذ مايلزم ربما ماتراه صحيحاً يكون خطأ من وجه أخرون أما أذا أجمعت اسرة المادة ومعها التوجيه على شىء فيعمل به بناء على استشارة مستشار المادة
انا عايز اوصلكم فى الاخر ان الجوده بتعود على المدرسة فقط ... ل كن المدرسين الى بيموتوا فيها علشان يرفعوا مستوى الطالب و سجلات و خلافه مش بياخدوا غير الشهرين من الاساسي فقط و لما يحولوا الى مدرسة تانية كانهم لسه متعينين جداد ولا لهم اى لزمه .
الجودة تعود على المتعلم والمعلم والمؤسسة والمجتمع المحيط بها
انا بقترح الاتى لو الجوده دى فعلا يكون ليها لزمة : 1- المعلم الى يحصل على الجوده ياخد شهادة من الوزارة معتمده بدخوله اى مدرسة يرغب فيها حتى لو هيطلع المدرس الموجود فيها من مدرستة الا اذا كان المدرس الاخر حاصل على نفس شهادة الجودة
لا يجوز نقل أو ندب من حصل على الجودة الا لأسباب منها الأخلال بنظام لوائح المدرسة وميثاقها ورؤيتها ورسالتها
2- زيادة راتب المعلمين الى بيحصلوا على الجوده شهريا مش يدلهم مرتب شهرين و خلاص ( و كان الله بالسر عليم )
الشهرين مكافئة على عمل من المفترض انه موجود بالفعل بالمدرسة وهناك مكافئات أخرى قادمة
لو الطلبين دول اتحققوا يبقى كل المدراس و المعلمين سيسعون الى الحصول على الجودة
الجودة عمل متواصل يعود على الجميع وسنجنى ثماره لاحقاً
لكن بالمنظر الى انا شايفه دلوقتى يبقى فعلا سلمات يا جوده
قد استخدمت اسلوب يجب عليك عدم استخدامه فأنت قدوه لمن حولك ( المصطلحات العامية)
و ارجوا ان محدش يزعل من كلامى و خدوه موضوع نقاش... وشكرا على سعة صدركم
انشاء الله مفيش زعل فحرية الرأى مكفولة للجميع فى اطار تربوى ديمقراطى
نشكرك جزيل الشكر ونتمنى لك التوفيق