منشور الأخوان فى الاسكندرية و الكذب البين

[zatoon]

الله أكبر...ايه الكلام الكبير ده؟
احنا المعلمين اللي كانوا بيصورونا في الافلام والمسرحيات هبل ومهاطيل وبتوع غراميات مع الخدامات...النهاردة بيننا اخوان وشيوعيين وأكيد فيه ليبراليين وسلفيين...ومش بعيد لو دققنا نلقى شوفينيين و ماركسيين ولا دينيين
يا جماعة وحدوا الله وصلوا ع النبي....كل واحد من حقه يقول رأيه من غير تسفيه او تخوين
اقول تاني: من غير تسفيه او تخوين
ثم انا هسأل سؤال منطقي :
مش اخواننا بتوع المستقلة عملوا المستقلة لأن المهنية لا تعبر عن المعلمين؟
طيب...لما يبقى فيه نقابة دلوقتي تم انتخابها من المعلمين انتخاب حر مباشر نزيه ايه بقى لزوم وجود المستقلة؟
الاخوان فازوا بالانتخابات...لو الانتخابات مزورة قولولنا.....واذا كانت مش مزورة محدش يعلّي صوته على صوت النقابة
ملاحظة صغيرة: رغم اعتزازي بالاخوان لكن مش شرط يكونوا اشرف ناس في العالم...فيهم المخطئ والمصيب
اما القول بالتنزيه المطلق ده يعتبر مذهب نازي و فاشستي
ولا مؤاخذة