إنفراج أزمة تعديل المسمى الوظيفى بالبحيرة

[shaerhamada]

انا كنت قلت قبل كدة ان فى مفاجأة إن شاء الله هقولها قريب!!!
و جه و قت المفأجاة. بس الاول أحنا عايزين كلنا لما نروح المديرية نشكر الناس اللى تعبت معانا جدا و اللى من غيرهم مكنش أى واحد فينا هيتنقل من مكانة
اولا: أستاذنا الفاضل/ محمد نجيب و اللى كان بيحارب معانا حتى قبل القرار الوزراى ما يطلع
ثانيا: استاذنا الفاضل/ علاء القاضى و اللى كان بيسهر بالاسبوعين فى المديرية لغاية الساعة 9 بالليل مع أ/محمد نجيب عشان يخلصوا شغلنا
ثالثا: استاذنا الفاضل/ محمد حشيش واللى كان بيدى توجيهات مستمرة و تحفيز دائم لكل العاملين بتنسيقات المديرية الابتدائى و الاعدادى و الثانوى العام و الفنى لغاية مخلصنا ملزمة المديرية كلها
رابعا: استاذنا الفاضل/ محمود علوى . و بنبارك له على تجديد الثقة لة من الوزارة بتجديد عام أخر
و بصراحة من غيرة مكانش أى حد هيمضى على أى حاجة فى المديرية
خامسا: المهندس مختار الحملاوى محافظ البحيرة اللى نور الملزمة بتوقيع سعادتة.

الحمد لله اللى انعم علينا بوجود الشخصيات العظيمة دى فى ظل تخبط باقى المحافظات إن شاء الله هنفذ قرار النقل الاول لغاية الاكاديمية ما تحدد ميعاد الدورات الخاصة بشهادة الصلاحية و حتى التخصصات اللى فيها عجز هتنفذ بس مع الندب للمرحلة أو المادة الاصلية لحين سد العجز

فى النهاية احب ابارك لكل الزملاء و بشكل خاص اللى سافروا للوزارة اكتر من مرة قبل القرار الوزارى ما يطلع.
الف مبروك للجميع حتى اللى قدم استمارتة متأخر فى المرحلة التانية إن شاء الله هينفز معانا.

و اسف مقدرتش ارد على كل الاستفسارات اللى فى الموضوع التانى لأن الشغل كان كتير بس ان شاء الله النشرة هتكون فى الادارات يوم الاثنين أو الثلاثاء القادم. الف مبروك