الصداقة بين البنت و الولد!!!!!!!!!!!!!!!!!!!!!!

[مغترب وبس]

بسم الله الرحمن الرحيم :-
ان شاء الله هحاول ارد على نقطة نقطة :-

اولا الاقارب يعني ازاي نعاملهم ... واحنا صغيرين اهو صغيرين في صغيرين لما نكبر يبقى خلاص
البنات القرايب مع بعض والولاد القرايب مع بعض وحتى لو كنتو اتنين متربين مع بعض ومش عارف ايه ( انا كده والله )
خلاص كبرنا يبقى استووووب نقف علشان زي ما اتقال العلاقة متتطورش وهما مش محرمين علينا ....

نيجي لنقطة الاستاذ بصي يا اختي ويا اخي هو الاصل اساسا ان المدرس يدرس الشباب ومدرسة تدرس الطلبة
قدرنا بقة ان احنا في مجتمع كده يبقى دي ضرورة مش هتعلم الا بكده يبقى خلاص اعمل ايه متعلمش ؟؟؟!!
اما بقة الولد او البنت زميلك او زميلتك اعتقد هتلاقي كتييييير غيرهم ولا هو مفيش غير زميلتك دي ومفيش غير زميلك ده ...!!!!

نيجي لنقطة زمن الرسول اولا يا اختي زمن الرسول هو الاصل مش الزمن الي احنا فيه ...
وبعدين لو الفرصة خلت فيه صداقة المفروض الصداقة دي تترفض علشان كل الايجابيات بتاعتها متوفرة لو اخدتي صديقة ونفس الكلام للولد اما سلبياتها فذكر ولا حرج ....

نيجي لنقطة اخ واخت ... دي احنا بنضحك بيها على بعض علشان نبرر موقفنا والاصل مفيش الكلام ده ..
امشي على هواكم ونقول اختي واخويا ازاي حضرتك او حضرتك هتمنعها انها تحبك او تمنعيه انه يحبك انتو بتعلمو الغيب علشان تعرفي هو بيحبك او هيا بتحبك ولا لما يججي يقولك انا بحبك مش كأخت او تيجي تقولك انا بحبك مش كأخ ساعتها هتمنعها وساعتها تكون خربت مالطا ...

الصداقة ليها حدود متتعداش الاطار ...
طيب دي حاجة خارجة عن الارادة مش انا الي بتحكم فيها وانت انت يبقى مفيش حاجة اسمها حدود
مش نحط البنزين جمب النار ونقول لا احنا حطين حدود وياريت الحدود دي خرسانة ولا حديد مسلح لا دي حدود من هوا
يعني زي ما بيقولو
" القاه في اليم مكتوفا وقال له اياك اياك ان تبتل بالماء ".

نيجي لنقطة المجتمع مختلط ...
طيب المجتمع مختلط نيجي احنا " نزود البله طين "
يعني الكباية اتكب نصها نيجي نقول مه مكبوب نصها ونكب النص التاني ده لا يعقل ...
زمايل ومكتبهم جمب ببعض خلاص تعاملهم في حدود ده الملف الي انت عاوزو وبس كده ليه يخشو بقة في اطار صداقة ليه وده في الشغل اما في الكلية والمدرسة اعتقد فيه مليون ولد وبنت ممكن يتاخد منهم الملف ده مختلف تماما عن حالات العمل الي ممكن تكون الغرفة فيها 3 او 4 مكاتب وفيها موظفين اختلاف جزري وواضح ..

عقل البنت بيغلب عليه العاطفة فمينفعش ونفس الشيء بعض الولاد هتلاقيهم ينجرفو نحو شهواتهم ...

نقطة اخ واخت تاني ...
قلنا مفيش اخ واخت وحكاية الاهل عارفين يبقى الغلط يمتد الى الاهل بردو وزي ما قلت في ردي الي قبل كده "اقروه"
واشمعنا انت هيا معندهاش صحاب ولاد تانيين يجيبولها الدروس ؟؟!!!
مفيش ولاد تانين بيعتبروها اختهم ومفيش بنات تانين ده بالنسبة للولد والعكس بالنسبة للبنت ...
ليه بنت صاحبتها متجيبلهاش الدروس وتشرحلها ...
منضحكش على بعض