من فضلك .....قول كلمة ل..............

[Mr. Muhammad Sobhy]

من فضلك .....قول كلمة ل..............

السلام عليكم ورحمة الله وبركاته
عايزين ياجماعة كل واحد يدخل الموضوع ده يقول كلمة ولو صغيرة للناس دول

.
.
.
.

.1-د/علاء صادق :جرئ واحلى حاجة بتعجبنى فيك لغتك العربية مستنينك على قناة النهار .....قريبا.

2-ك/احمد شوبير :شعار القناة (مودرن كورة هتشبع كورة) دا هو برنامج واحد بس اللى بيتعرض على القناة.

3-ك/مدحت شلبى :مش تنافق حد والنبى وبلاش تيجب راقصين فى رمضان الجاى كفاية المسلسلات.

4- ك/ خالد الغندور : الزمالك مظلوم على طول والاهلى جبار واقف فوق الحصان ...وانت محايد.

5-سيف زاهر : ربنا يخلى سمير زاهر ....هو انت خريج ايه؟.

6-ك/مصطفى يونس : لو جوزيه مشى من الاهلى مختار مختار هو اللى هيمسك الاهلى مش انت ..افهم بقا.

7-محمود معرف : كل ما مراتك تعملك كفتة الاهلى يخسر فتطلع تقول جوزيه كفتجى ...العيب مش فى جوزيه
العيب فى ..........افهموا انتو بقا.

8-مساء الجمال: لقاء العواجيز .............الحياة فلوسها كتير ....طب ماتعملوا صباح الغلابة .....اهو تكسبوا ثواب.

9-الليلة مع جنا : بس جنا لسه صغيرة.

10-أ/معتز مطر : ماتقوليش فلول قولى حلول.

11-أ/محمود سعد :ان شاء الله جامعة الزقازيق(جامعتى) تعمل قناة ونلم تبرعات ونجيبك تقدم برنامج (الباحث عن الملايين).

12-أ/ابراهيم عيسى :بلاش تتكلم فى الدين الاسلامى ....سيب الاسلام لاصحابه.


13-أ/عمرو حمزاوى :ياعم اتجوز بسمة وريحنا بقا.

14-توفيق عكاشة : قذافى مصر .

15-معتز الدمر داشى :اوعوا تروحوا فى حتة تانية ...ليه دا الاعلانات بتقعد ساعة .

16-لبنى عسل :كان لبسك محترم فى الاول ..اما بعد ما مرتضى منصور ماقال انك لسه آنسة اتغيرتى ..ليه ؟

17-خالد يوسف :هو انت بقيت شيخ وبتنقد الشعراوى !!!!ده جزاء اللى يزعل غادة عبد الرازق.

18-حسام حسن : اقولك حاجة ماتيجى تدرب الشرقية .

19-عمرو أديب :صلعة لمعة مدورة .

20-بثينة كامل :لما انتى تبقى رئيسة جمهورية .....أنا ابقى ايه ؟......بياع فول وطعمية.

ياريت ياجماعة اللى يدخل يقول كلمة لاى حد هو عايزه ؟

ومن يحتلف معى فى الراى أبتسم له قائلا :
لكم أرائكم ولى أرائ ......والحياة ظلال واضواء


تحياتى : محمد صبحى (الاسطورة) اولى تربية انجليزى