وجهة نظر

[themagician]

بسم الله الرحمن الرحيم

كى لا أطيل عليكم
كثر الكلام و اللغط فى موضوع إن الإمام تاعب نفسه رايح جاى على وزارة المالية و رئاسة الحكومة و كذا و كذا و كذا .....
و لى فى هذا الأمر رأى :

إدينى عقلك

1- لأى إنسان- عنده ذرة عقل - كيف تقوم الحكومة بتثبيت عشرات الآلاف من إخواننا فى التربية و التعليم و احنا لأ؟؟!!!!!! شفنا قبل كده و الله مئات أكرر مئات و تم استجابة مطالبهم و تعيينهم - خشية غضبهم - و لمن لا يفهم مئات هى لفظ جمع لكلمة (مائة ) أو (مئة ) بالأرقام كده 100 واحد وقدامه صفرين أو عشر عشرات .

فكيف بذلك الغبى الذى يتأخر على إجابة مطالبنا فى الوزارة أو رئاسة الجمهورية أو حتى إن كان مقره الجحيم - فكيف به يعرض نفسه لغضب ما لا يقل عن أكثر من 70000 متعاقد على أقل تقدير فى أكثر قطاعات الدولة أهمية - التعليم - و هم يعلمون أكثر مننصف مليون طالب أزهرى على أقل تقدير فى مختلف مراحل التعليم ، كفى بنا إضرابا واحدا فى أيام الامتحانات يخلى ذلك الذى يعاند الـأزهرية تحت ضروسنا ؟؟؟!!!!!

2- يقال أن الإمام و تم رفض مطالبه و لكنه أصر و لكن هناك من منعه

أموت و أعرف مين اللى بيرفض أو مين إللى بيمنع (يقال الوزارة ) و بحكم أن الوزارة يمثلها الوزير نقول أن الببلاوى و من قبله رضوان و النحاس هما إللى بيعملوا دكه لكن مفيش أى دليل ، بطلوا خداع إحنا مش ....... (أترك لكم الاستنتاج )

3- كان باين إن الموضوع من أوله مقلب (اسمع من يقول إزاى يا فصيح ) .
أقول : إزاى إن الأزهر الجهة إللى بتوظفنا و بها أصول الورق تطلب من المتعاقدين من شمال مصر و جنوبها و شرقها و غربها صور الأوراق إللى أساسا فى المشيخة .
قلتها قبل كده - زى واحد صاحب مقهى كبير راح لقهوةتانية يطلب شاى ؟؟؟؟؟!!!!!!!!!!! بلاش أفلام
بأين من الأول إنه تنويم .

4- فى موضوع فى المنتدى قرأت

أرسل شيخ الأزهر أحد مستشاريه إلى وزارة المالية للمطالبة بمساواة مدرسى الأزهر بنظرائهم فى التربية والتعليم قال له الوزير المبجل وأين كنتم أثناء وضع الميزانية قال المستشار اعتمادا على أن ما يطبق فى التربية والتعليم يطبق على الأزهر قال له الوزير المبجل دا قانون اللى وضعه فى السجن روح طلعه وهذا الكلام يا اخوانى نقلا عن زميل لنا له قريب يعمل بمكتب شيخ الأزهر وسأترك التعليق لكم

بارك الله لأخى فى سعيه لتبليغ الحقيقة .
بالعقل و من غير سحر و شعوذة
إزاى الإمام يطلع تصريح ما معناه ( أى حد هياخد جنيه فى التربية و التعليم هايكون الأزهرى وخده قبله ) و بعد كده لسة فاكر يبعت أحد مستشاريه
الكلام ده أكيد طالع من أحد المحترمين (إللى بيحولوا يحسنوا صورة الإمام لكن من غبائهم الذى غلب غباء الـ..... ) هما كده بيشوهوا صورته فين هوه من أول ما التعيينات بدأت و الزيادات إللى تربية و تعليم استلموها ، لسه فاكر يبعت مندوبه ؟!!
بلاش كدب ما تعملوش زى الدب إللى قتل صاحبه .

النقطة الأخيرة: قالوا إن التعيينات واقف عليها النحاس ، إزاى و هو قال إن أكثر من أربعين ألف تم تعيينهم (دا قبل ما يقول إن الباقى هيتم تعينهم بعدد 10000 كل اسبوع ) و اللى حصل بعد كده إن إللى هايتعين كل إللى امتحنوا الكادر و دول عددهم كان من 18000 إلى 20000 ألف . فين العشرين الألف الباقيين ؟!!!
خمن الإجابة :
خدهم الغراب و طار
مدغشقر
كوباية عصير مية ساقعة

و النبى يا جماعة إللى يقابل واحد منكم واحد من مروجى الإشاعات السفيهة دى تقولوله إرحمنا مش عوز تعيين بس بلاش كدب و استخفاف و تشويه فى سمعة الراجل أكثر من كده و هو فاكر إنه بيخدمه