مينفعش كده

[Mr. Essam Emam]

حاجات غريبة الواحد بيسمعها وبيشوفها الأيام دى من بعد الثورة المجيده التى استشهد من اجلها شباب مصر العظيم.
احنا عايزين ثورة حقيقية جوه انفسنا ثورة نرجع بيها مصر وشباب مصر ثورة حقيقية جوه كل واحد فينا نرجع بيها انفسنا نبقى ذ زمان نحب بعض نخاف على بعض نشتغل ونبطل كلام. برامجنا هى هى كل شويه ناس تطلع تتكلم وتمشى عايزين نتكلم ماشى بس نشتغل ونشوف مصلحتنا كلنا مش كل واحد ومصلحته وخلاص
حاجه تحزن لما تشوف الشباب عينى عينك فى الشارع تدخن مخدرات ومحدش يقدر يكلمه علشان مابيكبرش لحد ومبيسمعش لحد مينفعش. النهارده تيجى تشترى سلعه بسعر وبكره بسعر اغلى والتاجر يقولك الأسعار ذادت طيب امتى ماهى عندك من امبارح مينفعش. علشان تمشى بالعربية او اى مواصله ياعالم هتوصل امتى مفيش قانون مرور مينفعش. كل يوم ناس تقف وتتظاهر عايزه وعايزه وتعطل الشغل مينفعش . احنا صبرنا كتير سنيين وسنيين طيب نصبر كمان واعتبر ياعم المخلوع لسه موجود ماحنا كنا ساكتين وصابرين نستنى شويه ونصبر وانشاء الله فرجه قريب وهتكون احسن واحسن .الناس اللى جت ونظمت الانتخابات وانتخبت فلان وفلان وكانوا منظمين والحمد لله مفيش مشاكل الناس الحلوه دى هم برضه اللى هيقدروا يصبروا شويه وننتظر وهتكون خير باذن الله تعالى دى مصر المحروسة
قولوا امين يا رب العالمين