حوار مع ناشط سياسى

[أ/رضا عطيه]

حوار مع ناشط سياسى

العبد لله :هل الثورة حققت أى هدف من أهدافها ؟

أستاذ ناشط: ولاهدف ولاجون

العبد لله: ومارأيك فى من يقول أن الثورة أسقطت نظاما كان من أقوى الأنظمة فى العالم ؟

استاذ ناشط : أوهام
أنا لسه مسجل الأوامر التى تصل للمشير من حسنى مبارك
إنت ناسى ياجاهل إننا نملك أحدث التكنولوجيا المقدمة هدية من حبايبنا

العبد لله : الله يسامحك . لكن ناس تانية بتقول إن الثورة نجحت فى إنها وضعت كل الحيتان فى السجون ؟

أستاذ ناشط :وهذا سؤال لايخرج إلا من جاهل --- دول عشرين أو خمسة عشرين فاضل كتيييييييييييييييير
دول 85مليون ههههههههه

العبد لله : لوقلت جاهل تانى أنا هنهى اللقاء

أستاذ ناشط : إنت هتعيط - دى مش شتيمة دى لغة عادية متداولة مابينا -- خليك كول وفرفور كدا علشان أحبك

العبد لله : الأمر لله . وفيه ناس بتقول الثورة نجحت فى القضاء على أكبر حزب فاسد فى الشرق الأوسط ؟

استاذ ناشط : متخلف وأسألتك كلها زيك - الحزب الفاسد لسه أعضاؤه على قيد الحياة - هل ده يرضيك ؟

العبد لله : إنت بتسألنى مش أنا متخلف! ياريت تجاوب إنت ؟

استاذناشط : أيوه صحيح نسيت - شوف يامتخلف - الثورة الفرنسية راح ضحيتها مئات الألاف والإيرانية كذلك
يعنى عايزهم يقولوا علينا أقل منهم ؟!

العبد لله : ياسنه سوده - مئات الألاف - وأنا اللى متخلف - دا أنت اللى ستين متخلف وإبن ستين فى سبعين

أستاذ ناشط : ههههههه هذا رأيك وانت حر - شوف أنا مازعلتش إزاى ؟! عادى - خليك كول - ويلا نكمل

العبد لله : إنتم مصنوعين من إيه ؟ - الأمر لله نكمل
وناس بتقول إن الثورة أخرجت لنا أنتخابات نزيهه؟

استاذ ناشط : هى دى الانتخابات الملعونة - الشعب الجاهل شفت اختارمين ؟

العبد لله : هو حر يختار اللى يختاره - ولو عايز تشتم اشتمنى أنا وبلاش الشعب

أستاذ ناشط : ماشى ياأجهل من دابه
دول بيتاجروا بالدين -- دول ضحكوا على الناس بالجنة والنار - دول هيقيموا الحد على الشعب اللى اختارهم
يبقى ده جهل ولا لأ ---- حد يسيب اللى جايب له ديمراطية وحرية مودرن ويروح يختار اللى هيحبس حريتهم!!!!

العبد لله : أنا قرفت منك ومن ال------ ولو ممسكتش أعصابى هقسمك نصين ياابن -------

أستاذ ناشط : ههههههههه فعلا جاهل ومتخلف ومحتاج زيارة لشيكاغو أو مرسيليا
يدربوك على المعاملة الكول

العبد لله : شوف يا ابن الناس أنا هعمل بأصلى وهخليك تقول للناس إنتم عايزين إيه ؟

استاذ ناشط : ريحتنى
شوف ياجاهل علشان نحكم على الثورة ونقول نجحت يبقى لازم تتنفذ كل الطلبات دى الأن
1-مجلس رئاسى يضم ( البرادعى وصباحى وحسام عيسى ضرورى وأبو الفتوح كمان (مجبر أخاك لابطل ) -

العبد لله : قديمة شوف غيرها

أستاذ ناشط : بلاش تقاطعنى ياغبى
2- ننضم كلنا لمجلس الشعب

العبد لله :والنبى - ومجلس الشعب المنتخب

أستاذ ناشط : مفيش مانع - نخليهم معانا - ولانحب نغلق لهم باب المجلس زى ماعملنا مع الجنزورى ههههههه!

العبد لله : الطيب أحسن - بس مفيش بديل ؟ لأن كدا المجلس هيبقى ألفين أوتلاته ؟

أستاذ ناشط : وإيه المانع من أجل بناء الوطن -- حلوه كلمة الوطن دى --أكيد عجبتك ههههههه - نكمل
3- تسليم السلطة فورا من المجلس العسكرى لأى رئيس نختاره

العبد لله : استنى استنى - مين اللى هيختاره ؟

أستاذ ناشط : احنا يامتخلف ولاعايزنا ننزل للانتخابات والشعب يختار عكسنا زى كل مرة - إلعبوا غيرها
مره لكم ومرة لنا

العبد لله : خليكم فى وهمكم --- المهم-- والدستور ؟

أستاذ ناشط : الدستور جاهز من سنه - ومش محتاجين فلسفة فارغة -كله جاهز --- واسكت شوية خلينا نكمل

العبد لله : كمل ربنا ياخدك إنت واللى زيك

أستاذ ناشط : 4- الباقى مننا يمسكوا المحليات والجامعات والمؤسسات والإعلام وكمان المدارس لو حبيت

العبد لله : هو لسه فيه باقى منكم ؟

أستاذ ناشط : أيوه يامتخلف - الناس اللى تعبت معانا وأيدتنا فى كل حاجة وفى كل مكان

العبد لله : ممكن تحقق لى أمنية ؟

أستاذ ناشط : لم أتعود التفاعل مع جاهل لكن يلا قول نفسك فى إيه ؟

العبد لله : نفسى بجد أخنق ناشط سياسى

أستاذ ناشط : هتقدر ياجاهل - هو انت فاكر أنا لوحدى ولا مليش ضهر ؟

العبد لله : إيه الغرور اللى فى لحمك الميت ده ؟

أستاذ ناشط : ياغبى أنا موتى ممكن يعمل حرب عالمية

العبد لله : ياسنه بمبنى - دا أنت تمنك فى سوق بلدنا مايساويش جنيه ونص
ولو نزلت بلدنا العيال هتجرى وراك بالطوب وتقول البلطجى اهو

يلا

حسبنا ونعم الوكيل