يوميات سلفى مع النصارى ....موضوع حقيقى لرافعى شعار المواطنة

[الاستاذ محمد سرور]

السلام عليكم ورحمة الله وبركاته
بسم الله والحمد لله والصلاة والسلام على رسول الله صلى الله عليه وسلم

لصد موجة مروجى الفتنة وحملات التخويف من التيار الاسلامى
ساسرد لكم مقتطفات من حياتى مع النصارى
لعل هؤلاء الاغبياء الذين يتبنوا حملات التخويف يدركوا انهم فى معزل عن الواقع المصرى الجميل

البداية طفولة

1-عندما كنت طفلا صغيرا كانت الصيدلية التى امام بيتى لصيدلى نصرانى وكان كثيرا ما يعطينى الحلوى كلما دخلت الصيدلية عنده وكان شخصا ودودا ولكنه باعها فى التسعينات
2- كان يوجد محل ادوات منزلية امام بيتى وصاحبه نصرانى وكان كل من يعمل عنده من النصارى وكان اقربهم للاطفال عم نعيم وكنا كل شوية نشوط الكورة وتدخل المحل وكان هو اللى بيجيبها لنا من صاحب المحل قبل ما يقطعها بالسكين ...وبالرغم من غلق المحل الا ان عم نعيم كان دائما التواصل معنا حتى توفاه الله
3- اول من علمنى كيفية الزراعة الاستاذ بشرى ( نصرانى ) مدرس زراعة ابتدائى وكل ما يرانى حتى يومنا هذا يتذكرنى واتذكر انه علمنى كيف ازرع نبته

4- اصدقاء والدى فى العمل من النصارى كنت كلما ذهبت مع والدى الى العمل كانوا يحضروا لى المأكولات والحلويات وعقود الفل

فى المرحلة الاعدادية

تعلمت اللغة الانجليزية على الاستاذة جيهان ثم مدام فيولت ثم استاذ عيسى
وقد جعلهم الله سببا لكى استطيع ان اتعلم الانجليزية فى فترة وجيزة وتفوقت بفضل الله على اقرانى فى المدرسة بالرغم انه كان جميع اقرانى يدرسون الانجليزية من الكى جى اما انا فلم ادرسها الا فى اولى اعدادى

لا انسى ذلك القسيس الذى كان يدخل كل فترة ليشترى عيش فينو و بقسماط من الفرنة التى كنت اعمل فيها وانا صغير ويدعوا لى فى كل مرة جزاك الله كل خير ...بارك الله فيك

فى المرحلة الثانوية

قابلت اجمل الشخصيات وهو الاستاذ جورج والاستاذ جمال صموئيل مدرسى اللغة الانجليزية
ولا ابالغ ان اقول بان كشكول الحصة الخاص بى كان افضل من اى كتاب خارجى
والى الان يقابلنى الاستاذ جورج فيستوقفنى ليسلم على ان لم اراه وانا كذلك ودائما التواصل

اما الاستاذ جمال صموئيل فقد قابلنى بعد تخرجى بسنوات ولم يتذكرنى بسبب اللحية
ولكن عندما اخرجت له صورتى وانا فى ثانوى ...
قالى ايه دة دى صورة محمد سرور ..معقولة انت
وعندما اخذ الحديث بيننا وقت ليعرف كل شىء عن حياتى ..طلب منى زيارته للمدرسة لكى يعرف طلابه على
قائلا لى انى لأفخر ان يكون احد طلابى هو محمد سرور واتمنى ان يراك طلابى الان ربما يكون احدهم طالب عندك .....بجد وحشنى الراجل دة ...لازم اروح ازوره تانى

فى الجامعة
الدكتورة تريزا ....الام التى تتمنى ان تعيش معها
العالمة التى تريد ان تاخذ من علمها

الدكتور فايز مراد مينا بحر العلم الذى لا ينضب

اصدقائى(مجدى ادولف ومينا وسامح ....
(عيبهم الوحيد انهم ما كانوش بيرضوا يجيوا يصلوا معايا الظهر فى مسجد الكلية )

بعد التخرج والعمل
طلابى كثيرين من النصارى احبهم ويحبونى ويتواصلون معى سواء على النت او فى الدروس
اولياء الامور من النصارى علاقتى معهم علاقة اخوة ...مشاكل اولادهم لا يترددون ان يشاركونى فيها للمساعدة فى حلها

اصدقائى فى العمل من النصارى

الاستاذ ماهر .....ربما اخ لك لم تلده امك ...
كل ما اقوله تعالى صلى الظهر يقولى حاضر وينفض لى
ومن تعليقاته على السلفيين ...بيقولى هيمنعوا الخمر ...وايه المشكلة انا مش بشرب خمرة اصلا ولا حد من عيلتى ...هيخلوا البنات تلبس طويل ....طيب ما دة كويس مش احسن من اللى ماشية مبينة رجليها
هيشدوا شوية على عيالنا فى التربية ...وماله ما هو للاسف العيال اللى على النواصى بتشرب سجاير وبانجو وحشيش محتاجين تربية وكلنا محتاجين نشد على عيلنا علشان يبعدوا عن السكة دة

الاستاذ ناجى ( المدير بتاعى ) ...ببساطة هو اخ اكبر ..يبحث عن راحتك
مش عايز اقولكم انه ممكن يغسلى الكوباية اللى باشرب فيها شاى لو شافنى مشغول فى حاجة فى الشغل
والمواقف الجميلة بيننا كثيرة اخرها بقوله تنزل ترشح حزب النور والا مش هدخلك مكتبك
قال حزب النور ايه وبتاع ايه انا هارشح الاخوان

الاستاذ مينا ...شخصية جميلة ..ابتسامته لا تفارق وجهه


واخيرا اخر واحد نصرانى دخل حياتى

الراجل اللى خبطنى بالعربية من اسبوعين وكنت هروح فيها طلع نصرانى
ومن وقتها فى تواصل بينا مستمر وسامحته لله

وكل ما اشوف حد فى الشغل من اصدقائى النصارى ..اقوله كنت هاحبس واحد منكم من اسبوعين بس قلت بلاش علشان ما تبقاش فتنة طائفية ..يردوا ويقوللى ...احبسه مش عايزينه

والسؤال هو هل يدرك هؤلاء الاغبياء من مروجى الفتنة ان هؤلاء هم النصارى اللذين يعيشون معنا على ارض هذا الوطن واللذين يرفضون مثل هذه الافكار التى تحاول شق الصف المصرى