برغم انك في طب ..!

[نقاء الروح]

برغم أنك في طب ... متذاكريش يا كوكي
هيخفوا المرضى أصلا ... بمجرد ما يشوفوكي

وما تتعبيش نفسـك ... ولا تكتبـيش دوا
دا بس بنـظره منـك ... هيخفوا الناس هوا
...
أصلك متعرفيش ... دا صوتك دا حكايه
بيظبًط الانسجه ... ويعالج فـ الخلايا

ويخلي الجسم نورمال ... وضغط الدم عادي
والقلب مزاجو يعلًى ... ويدق بشكل هادي

والبكتريا لو .. لو ... سمعت صوتك اكييد
هتطلع تبص ليكي ... وتسيب جسم المريض

فـ ففك مـ المذاكره ... والله دي عـذاب
معقول عينيكي دول ... تمأأ فـ الكتـاب

معقول يا روحي أنتي ... تذاكري سبـع سنين
معقول تشوفي جثث ... وتشمي فورماليـن

صعبـانه عليًـا جداً ... بجد أنتي خسـاره
هتكلمي نفســك ... وهتلبسي نضاره

أصلاً دخولك طب ... دي غلطـه مـ الأساس
كليـه غلسه جداً ... وأنتي بنــت ناس

ليـه بس دخلتي طب ... بلا طب بلا نيـله
يا حبيبتي واحـده زيـك ... تـدخل فنون جميـله
دا الطب دا عايز ... سيد ومصطفى
و أنتي قلبك حنين ... ومشاعرك مرهفــه

خـديها نصيحـه مني ... مـن طب حولي
ممكن تبقي مذيعـه ... أو حـتى تمثلـي

لكـن تبقي في طب ... دي حاجه مستحيـله
كبري يا جميل دماغـك ... بلا طب بلا نيـله

وفي حالة لو كملتي ... فمتذاكريش أرجوكي
والله الناس هيخفـوا ... أول ما هيلمحوكي




شوفتها عالفيس وعجبتني