مش هنراجع بقى ولا ايه؟

[Engineer ..]

بص أنا قولت لنفسي اني لازم أخلص منهج على بداية شهر مارس لكن للأسف كنت بتفاجئ بحاجات ليلة الإمتحان في الثانوية العامة
أه وربنا
عمري ما تمكنت من المنهج وحليت امتحان كامل على بعضه وكنت فاهم الحمد لله لكن قلة حلي ودتني في داهية (هندسة )
غلطة عمري اني مكنتش بنفذ اللي بقول هعمله
فنصيحة مني كمجرب من النهارده خلص المنهج كللللللللللللللللللللللللللللللللللللله بالنقاط دي
الشرح كله يتقرى و طبعاً يتفهم ولكن يتحفظ أكتر من انه يتفهم اسمع الكلام اللي بقولك عليه والله هترتاح
وكل اللي في الكتاب متفوتهوش ... هات ورق فاضي واكتب فيه كتير ودندن مع نفسك و دون ملاحظاتك ( في وقت بتكون فاهم بتكتب ملاحظات تفهمك في وقت انت نسيت فيه الدرس الفلاني ) بعد كده أقدر أقولك انت معاك 70% من المادة !!!!!!!!!!
أيوة انت لسه محلتش كل اسئلة المادة اللي في كتاب الوزارة ـ السهل الأول ثم الصعب ـ وتحل أسئلة الكتاب الخارجي مش شرط كلها اللي في مستوى امتحانات السنين اللي فاتت بس لو تقدر تخلصه فبها ونعمت ..
يا معلم كده فاضل ايه ؟
فاضل انك تمسك عشوائياً من المادة موضوع معين و تحاول أكنك بتشرحه لواحد قدامك صدقني هتفهمه كويس وهتكون واعي للسؤال اللي يجيلك فيه
معاك مفتاح لحل اي امتحان على الشكل التنظيمي زي ورقة أخر السنة تماماً
ملاحظة هامة :: الكلام ده بيتم لكل مادة في 5 أيام والفيزيا والرياضة 7 يعني مطلوب منك على يوم 1/3 تقول بسم الله الرحمن الرحيم يلا بينا نشتري ورق فلوسكاب ونسطر ونحل دور مايو ....... في مادة ........ بس متنساش تكتب رقم الجلوس
ربنا يوفقكم يارب ويعينكم على المنهج الكبير ده
اي حاجه انا موجود باذن الله أو زمايلي
وأسف على الإطالة جداً