لمن يجرؤ فقط

[LoOoLy El Treikawya]

اه فعلا الناس الكبيرة دى عندها حكاوى كتير وبتخوف كمان بس جميلة

دي مرعبة مش تخوف بس
كبير وصغير والله بيحكي
مرة زماان ابن خالتي الصغير كان بيوصل سارة لبيت جدي وفضل يحكيلها عن حاجات تخوف وبعدين وهم ماشيين قاللها عارفة احنا فين .. احنا جمب مش عارفة اسم كدا بيقولوه على المقابر مش فكراه المهم عارف حضرتك لما واحدة كبيرة بتمشي هناك بتبقى لفا نفسها كلها ببتاعة سودا
سارة وهي ماشية ساعتها واحدة طلعت من البيت كدا راحت صرخت جامد الست اتخضت منها وابن خالتي فضل يشكي و يقول (جرستنا) هههههههههههه

ربنا يخليكم لبعض ولجرجا

الله يخليك

المشاركة الأصلية كتبت بواسطة عاشق البلانكو الابيض

اووووووووك نحاول ههههـ جدتى حكت ليا فى مرة على بيت ناس جيرانا فى نفس الشارع
المهم الناس دول كان ليهم تار عند ناس تانين فراجل جارنا ده قتل اللى كان ليه تار عنده
وهدومه بقا فيها دم فراح غسل الهدوم بتاعته ورش مية الغسيل جوا البيت
ومن يومها والراجل المقتول بيطلع فى البيت
وفى مرة كانوا الستات بتاعت الشارع قاعدين تحت البيت ده
فجابوا فى سيرة العفريت وفجاة التراب والطوب نزل عليهم من فوق البيت
وفضل يضرب عليهم لحد ما جريوا واستخبوا

امممم دي واقعية نسبيا وبتحصل كتير

انا خالتي في جرجا بردو اشتروا كنبة وكدا يعني المهم انهم من ساعت ما جابوها كانوا كل يوم بالليل يصحو مخضوضين من صوت صراخ طفل صغير عمال يعيط

فضل الموضوع دا كذا يوم ويدورو على صوت الطفل جاي منين مش لاقيين حاجة

لحد ما شكوا في الكنبة دي راح عمو جوز خالتي يسال الناس اللي اشترى منهم عنها فقالوله ان خشبها معمول من البتاعة اللي بيشيلو عليها الميتين

راح حازم ابن خالتي خدها زي ماهي كدا ورماها في الترعة
ومن ساعتها الصوت دة بطلو يسمعوه