لو عايز تذاكر صح وتبقى راضى عن نفسك .... اسمع نصيحتى

[احمد هشام مجدى]

من الاخر يا شباب انا هدخل فى الموضوع علطول
عشان معطلكمش

طلاب الثانوية العامة من وجهة نظرى الشخصى 3 انواع :

النوع الاول : المتفوقين (اللى بيجيبوا 99% الى 90%)
النوع الثانى : العاديين (اللى بيجيبوا 89% الى 75%)
النوع الثالث : المتوسطين والضعاف (74% الى الصفر)

كل نوع فيهم ليهم هدف معين :

النوع الاول : علمى (طب وصيدلة وهندسة) - ادبى (اقتصاد وسياسة والسن واعلام وتجارة انجليزى)
النوع الثانى : علمى (طب بيطرى او زراعة) - ادبى (تربية - تجارة عربى - اداب)
النوع الثالث : علمى (اى كلية ادبية قدامه) - ادبى (حقوق - شرطة - حربية) بالاضافة للمعاهد

انا عن نفسى من النوع الثانى وحاسس بكده والسبب لانى جايب فى ثانية 80.5 % وحاسس فى ثالثة اجيب اكتر من كده
وانا من رايى يا شباب انكم تذاكروا وانتوا مرتاحين وراضيين متحرمش نفسك من اى حاجة المهم ماتسيبش مذاكرتك (النوع الثانى) ليه لان بقية الانواع بيكونوا كالاتى

النوع الاول : بيحرم نفسه من اللعب عشان المذاكرة
وده انا مبحبهوش لان مفيش حد مبيمشيش على وتر واحد فى حياته

النوع الثالث : بيسيب مذاكرته عشان خاطر اللعب
وده ميعجبنيش خالص لان المذاكرة والنجاح هم اللى هيشغلوك انما غير كده خلى اللعب ينفعك

وانا عن نفسى مؤيد للنوع الثانى استبيانى ليكم بقى :

1 - انت تؤيد اى نوع من الثلاثة ؟

2 - سبب تأييدك له ؟

3 - ايه النتائج المترتب على تاييدك له من وجهة نظرك الشخصية ؟




وشكرا