انقطعت لمدة عام وعدت هل تحسب المده السابقه وهل لي حق في التثبيت؟

[سوزان عز الدين]

السلام عليكم
أرجو من الاخوة القائمين علي المنتدي يفيدوني
لأن محدش عارف يفهمني
ولا حد فاهم حاجه أصلا عندي في المنطقه
أنا اشتغلت مدرسة قران مسابقه2006
واشتغلت من 8\2\2007
واستمريت حتي 23\9\2010
تقريبا 3 سنين و8 شهور
وتركت العمل لظروف أسريه
وحاولت فترة كبيرة اني ارجع بعد ما تركت العمل بسنه
وبعد محاولات مستميته
رجعت من شهر
بناء علي مذكرة اتوافق عليها من وكيل الازهر
وذكر فيها انه لا يعتد بمدة الانقطاع وتعود المذكورة لعملها بعد الانتهاء من الاجراءات اللازمه
المهم عملت الاجراءات كأني بشتغل لأول مرة
كشف طبي وكعب عمل وفيش وكل الاوراق والمستندات اللي عملتها اول ما اشتغلت
وسألت في المنطقه هل المده اللي فاتت تتحسب
قالولي لأ
تتحسب لما تطلعي معاش
انما دلوقت كأنك بتشتغلي من جديد
طب ازاي
اللي يخلي المده تتحسبلي في المعاش
ازاي انا ببدأ من جديد
مش فاهمه حاجه
وياريت حد يفهمني
وجزاكم الله خيرا