للى عنده خبرة فى الثانوية العامة ومراجعتها ادخلوا بلييييييز

[Dr..Soha]

المشاركة الأصلية كتبت بواسطة رايه الاسلام

بسم الله الرحمن الرحيم
انا معاكم فى تانية ثانوى علمى علوم ونفسى اوى اجيب مجموع السنة دى وكنت عايزة استشيركم فى حاجة انا من بداية شهر 3 راجعت المواد كلها بس مش مراجعة اوى كانت مراجعة على مذاكرة ومش مرتبة المهم انى راجعتهم كاجمالى اول مرة ودلوقتى انا هبدأ من الاسبوع الجاى المراجعة اللى بجد لان الاسبوع ده لسه بخلص فى المواد اللى مش اوى فيهم انا حسبت المواد اللى عندى كل مادة بايامها لقيتهم هياخدول حوالى 20 يوم فى المراجعة الواحدة بس ده اكيد هتبقى اول مراجعة بس الطويلة فانتوا ايه رايكم اضغط المواد شويه واحاول اراجعهم 3 مرات قبل الامتحان ولا اخليهم مرتين وكده هيبقى الجدول مرتاح وهحل تمارين عليهم انا محتارة ومش عارفة وتقريبا انى اضغطهم هتبقى حاجة صعبة وممكن متبقاش باتقان بس انا خايفةاوى اقصر فى المذاكرة وبعد كده ارجع اقول يا ريتنى واستفسار تانى انا عارفة انى طولت عليكم انا فى المراجعة اللى عملتها كنت مخليه المواد مع بعضها وبالتالى مثبتوش اوى فانا فى المراجعات اللى جايه هفصل كل مادة بحيث يكون التركيز عليها اكتر هل ده صح ولا لأ ارجوكم افيدونى وجزاكم الله كل خير

الاول ربنا يوفقك ثانيا انا عن تجربة سنتين اهم حاجة فى المراجعة الحل الكتير لانه بيثبت المعلومة وبيغنيكى عن مراجعة المادة كتير فانا رايى انك تراجعى المادة مرة وتحلى عليها وبعدين تبداى فى مادة تانية وتحلى عليها وهكذا.............. ولو اتبقى وقت تراجعى عليهم تانى من الاول ومش هقدر اقولك تقسمى وقتك ازاى لان قدرات المذاكرة بتختلف من واحد للتانى لكن متشتتيش نفسك بمواد كتيرة فى يوم واحد خلصى مادة بمادة وان شاء الله تبشرينا بمجموعك الحلو كمان 3 شهور ونص. بالتوفيق ياجميل.