ليه بنبعد كل يوم أكتر و أكتر ؟؟؟

[dr.zomba]

المشاركة الأصلية كتبت بواسطة MohammeD el_SadaT

كل الكلام اللى إنت قولتو جميل وفعلاً أنا حاسس بقه يا عادل

وده اللى لسه مدينى شويه أمل فى بكره
بس اللى مضيقنى إن ماشى بسرعه النمله لو شاب إهتدى بتلاقى قباله 10 مش عارفين أى حاجه فى أى حاجه عن دينهم مسلم على الورق بس

بص يا محمد هقولك علي حاجه معز مسعود كان قالها

ان اغلب الملتزمين محسوش الدنيه واتجهوا للدين وبيدعوا للدين وهما نفسهم في الدنيا وبيكابروا فا بتكون المعادله غلط

احنا عشان نفسهم الدين صح لازم نفهم الدنيا صح ودي مش انا ولا انت اللي هنقدر نفهمها للناس ويمكن نكون احنا لحد دلوقتي مفهمنهاش هنا دور الناس اللي فهمت الدنيا وعاشتها وقرفت منها من كتر ما تعمقت فيها وبعد كدا رجعت لفطرتها اللي هي الدين يعني واحد زي معز مسعود دا بيقول انه كان بيسافر برا كتير ومفيش معصيه برا غير لما ارتكبها وهو ذات نفسه بيقول انه كان حاسس ان في حاجه نقصاه لما اتجه لربنا حس ان الحاجه دي ابتدت تتملي

اقولك الشباب عايز ايه

الشباب عايز حد يفهمه ويحببه في الدين مش يأمره ومعلش في الكلمه يكره في الدين وفي الدنيا ودا بجد دور اي حد حاسس الدين ومش بيتدعيه - ربنا يجعلنا منهم- وصدقني ساعتها والله هتلاقي اختلاف رهيب في الشباب لان الشباب فعلا عايزين يمشوا في الطريق دا بس مش عارفين وخايفين والله العظيم انا مشوفتش شب مش ملتزم لما بتيجي سيرة الدين والله والله بحس انه عايز يوصل لربنا او علي الاقل يلتزم بالصلاه

وربنا يهدينا ويهدي كل الشباب لان الشباب عايز الهدايه

شكرا يا محمد علي الموضوع للمره التانيه