،،::::: مـــســـــآ‘فـــــــــرـر :::::،،

[سيلفانو]

ماشى فشوارع بلدى
ببص عالبيوت

وبالغصب عيونى بتدمع
ببكى ومن غير صوت

احساس جوايا بيوجع
وكأنى خلاص هموت

وده كله لأنى مسافر

هروح لصحابى واهلى
تراب بلدى بيندهلى
الكل جمبى ومشتاقلى
وده كله قبل مسافر

امى عماله بتبكى
ولكل الناس بتشكى
وغضبانه بتسأل تحكى
ازاى انا قلبى قادر


يا امى انا والله ماشى
عشان انسى اللى كان

كل يوم بيعدى
اسوأ من اللى كان

جرحى قدامى عينى
ومعايا فكل مكان

هبعد يمكن راحتى
لو غيرت المكان


سامحينى فرحيلى
ما نهارى هو ليلى
ويوماتى احزان بتجيلى
وقدام نفسى بتهان


انا مش بهرب يا امى
لكن انا موتى وسمى
يبقا خاين فدمى
وارضى انى اكون متخان


هشغل كل وقتى
ومن هنا ودلوقتى
لو نظرة منى شوفتى
فيها حزن قولى جبان


ويا امى مش هتأخر
سنه وراجع مش اكتر
وانا نفسى مش هقدر
حضنك هو الامان




ماشى فشوارع بلدى
ببص عالبيوت

وبالغصب عيونى بتدمع
ببكى ومن غير صوت

احساس جوايا بيوجع
وكأنى خلاص هموت

وده كله لأنى مسافر





بــــقــلــمي ::: نـــــــور