نفض يا عم

[هالة محمد 2]

التنفيض الصفه اللي كل الشباب دلوقتي بيجرو وراها و بيفتخرو انهم منفضين ( تقول بيجرو ورا المجد ) و في ناس كتيير جدا مقتنعين ان دا حل للمشاكل .....للاسف هو اقصر طريق لنسيان المشكله و عدم التفكير في حلها و المصيبه انها بتبقا مشاكل صغيره ججداا و متخدش حلها ربع ساعه في واحد يقولي طب منا اضيع وقتي ربع ساعه في حلها؟؟؟؟ طبعا هو مش بيعمل حاجه في حياتو اصلا و يقولك اضيع وقتي ......ما علينا من النقطه دي تعالو نشوف تنفيض الولد و تنفيض البنت


البنت لما تنفضض :


بتبقا لسا في اعدادي او ثانوي و طبعا منفضه لكل المواد و الشرح و الحصص و الامتحنات او ممكن تكون نص نص في الدراسه و منفضه لحياتها بما فيها اسره و اقارب و معارف ..........الموضوع بيبتدي ان هي مش فاهمه نقطه او درس تبتدي تنفض شويه بشويه لحد لما تعد تكبر و الفيرس بيكبر معاها لحد لما تجوز و طبعا لو جوزها طلب حاجه منفضالو و لو قال حاجه ... ( مش سمعااه اصلا ) و حياتها كلها تبقا كدا يعني عيشه تطفش الشيطان نفسو



الولد لما بينفض :


الولد بيبقا اصعب في حل المشكله لان الولد خارج عن نطاق السيطره من بدري يعني اعدادي او ثانوي خلاص صععب جداا ان الواحد يغيرلو تفكيرو و طبعا هو مقتنع جدا و مش سامع نصايح حد و منفض للكل يدخل في موضوع سجاير و لو كان مخدرات ..... و لما يلاقي بنت يدحك عليها و يرسم دور هيرو و روميو او الادب و الصلا و الفلسفه و انو انسان متحضر و اوبااااا اتجوزو طبعا بان بدري بدري انو كداااب طبعا مش بينفزلها طلب و مش بياخد رأيها في حاجه اطلاقا و اترفد من الشغل و قاعد علي القهوه و هي في المطبخ و طول اليوم تضرب في العيال و صوتها عالي و العيال نزلين طلعين محدش واخد بالو منهم اصلا و العيال لو طلبو حاجه هو في عالم تاني و هي في عالم و العيال بيتربو في الشارع ......( ماهو البيه منفض )

مِش كل صور التنفيض كدا في صور اشيك شويه بس برضو مش بيبقو مستمتعين بحياتهم


شفتو الحيااه المثاااليه دي........ تنفيض في تنفيييض لحد لما حياتنا بقت كلها ترااب ( دا بجد مش هزار ) تراب عباره عن كدب و غش و لا مبالاه و حياه قزره و اجيال بتتربا كدا دا كلو ناتج عن البيه و الاموره اللي زيو اللي دلوقي عندهم 17 سنه اللي منفضين و بيقولوها بكل افتخار نفض يا عم
في اجابيه واحده بس في الموضوع ان لما بتبقا في مشكله الحل مش بايدينا ممكن ننفض ساعتها بس مش بيبقا تنفيض بيبقا عدم التفكير في مشكله حلها مش بادينا سعتها ندعي ربنا و مش نهول في المشكلهو لما نطلع من مشكله و خلاص اتحلت مش نفكر فيها و نفضلها عشان نركز في اللي جاي



كفاااااااااااااااااااااااااااااايه تنفيييض لان دا سلووك خرابي لان للاسف بيحول المجتمع كلو كدا و يوصل لمسؤلين و وزراء منفضين هم كمان و محدش بيعمل شغلو و منفض للعالم و كل واحد فينا عايش في عالمو الخاص و لما نحب نتجمع فدا وطنا يبقا في الكوووره بس سعتها كل واحد يخرج من عالمو و يدخل الاستداد و بسسسسسسسسسسس
( ماحنا منفضين يا اساتذه )