هاااااااااااااام جدا لكل الناس اللى فى اجتماعيات طالب

[Dr..Soha]

السلام عليكم ورحمة الله وبركاته.

فى ناس بتسمع اغانى وعارفة انها حرام ومش قادرة تبطلها
ايه الحل

*ادعى ربنا يتوب عليك وخد بالاسباب
*مش هقولك بطل مرة واحدة لانى عارفة ان ده صعب وان سماع الاغانى زى الادمان وانك هتيجى كل يوم فى نفس المعاد وايديك تتمد ع الجهاز وتسمعها
بس هقولك
لازم تحسس نفسك بالذنب وانت بتسمعها ...الاحساس بالذنب اول خطوة على طريق التوبة
بعد كده
انت مثلا كل يوم بترجع البيت وتبدأ تسمعها من الساعة 7 لحد 12 مثلا



ياريت تأخر معاد الساعة 7 ده
خليه 8
واليوم اللى بعده9
واللى بعده عشرة
وهكذا زحزح كل يوم ساعة واشغل نفسك بأى حاجة تانية
*افتكر كده معايا ايه السبب اللى خلاك تسمع اغانى واتخلص من السبب ده
لو كان حبيب...سيبه اللى يدلك ع الحرام ده يبقى بلاش منه
لو صديق ابعد عنه..
لو انت من نفسك حصلتلك صدمة عاطفية مثلا وبتعوض بسماع الاغانى
تأكد ان الاغانى هتزود ألمك وهتفضل تفكرك بالصدمة العاطفية دى اكتر واكتر وبدل مانتا بتحاول تنساها مش هتنساها وكل ما تيجى اغنية انت كنت بتسمعها مع حبيبك هتلاقيك بتفتكره وهتتعذب اكتر واكتر ...صدقنى لو بطلت تسمعها هتدى فرصة لدماغك انه ينسى
بعد كده
*امسح كل ملفات الاغانى اللى عندك..ماهى طول ماهى موجودة بتغريك انك تسمع اغانى
*صاحب ناس مش بتسمع اغانى ناس عارفين انها حرام عشان لو شافوك بتسمع يقطموك ويلوموك ويحسسوك بالذنب ويفكّروك انها حرام
انا عارفة ان كلام قاسى حبتين
بس الاغانى دى ادمان
زى مدمن الحشيش بالظبط
عمرك شفت مدمن بطل ادمان بمزاجه
اكيد غصب عنه
بالاضافة الى ان اعراض انسحاب الادمان بتكون مؤذية
يعنى سيادتك فى الاول
هتيجى كل يوم فى نفس المعاد اللى بتسمع فيه وهتحس انك متدايق
ولو ملكش معاد والسماعات فى ودانك ليل نهار
طبعا هتحتاج جهد مضاعف عشان تبطلها
ادعى ربنا كتير
قول يارب انا نفسى اتوب بس نفسى ضعيفة
ارجوك يارب توب عليا
وطبعا لازم تاخد بالاسباب بعد الدعاء