هو ليه بيحصل كده !!!!!!

[doha94]

يا جماعه نفسى اعرف سبب وااااااحد احنا ليه بننسى بسرعه
انا ذاكرت الفلسفه وعلم النفس والجيولوجيا
مرتين قبل كده ودلوقتى قلت احل امتحانات زى ما بقيت الناس بتعمل ولقتنى معلمه على الاسئله لما كنت بذاكرهم انى عرفاهم بس اجى احلهم دلوقتى مش فاكره ومفيش وقت انى اراجعهم من الاول لان العربى متلغبط عندى خالص مش عارفه ايه اللى ذاكرته وايه اللى مذاكرتوش بسبب مستر العربى ولغبطته مش ماشى مظبوط خالص فا سيباله اسبوعين انا مش عارفه اعمل ايه !!!
صحابى بيقولولى عادى وانهم كماااان كده واننا هنفضل ننسى لغايه الامتحان وكويس ان فى ايام كتير قبلهم علشان نلحق نراجعهم بس انا مش مقتنعه بكده
والعربى ده راعبنى

السنه دى عدت بسرعه اووووى انا فاكره اننا كنا السنه اللى فاتت مخلصين المناهج من شهر 3 ومراجعنها وكنا بنحل بس بمعنى اصح كنا شاربين المنهج

السنه دى المدرسين مطنشين ولسه مخلصوش مراجعاااات وانا غلطانه اصلا علشان التزمت بيهم

والاهل السنه اللى فاتت كان فى اهتمام وعامله ايه فى المذاكره وخلصتى ايه وناقصلك قد ايه وبيسألوا
السنه دى كل اللى يقولوه ربنا معاكوا
ولا الاخوات اختى كانت بتنظم معايا وقتى كانت بتابعنى السنه دى متابعه ناس قدى على الفيس زمايلها ومطنشانى والله تخيلواااا كانت بتكلم واحده وتقولها يعنى انتى مشكلتك كلها الجيولوجيا السنه دى طيب حاولى تصرفى ظبطى وقتك كان ناقص تروح تذاكرلها
ولما زعلت منها انها مش بتسأل فيا قالتلى انتى بتذاكرى من اول السنه مش زيهم يعنى انا مش خايفه من الامتحانات يعنى ومخصماها بقالى شهر حاسه انى عايشه لوحدى فى البيت

انا بجد احبط ويئست وكل يوم بعيط خايفه صحابى يدخلوا كليات احلى منى مع ان مجموعى اعلى منهم بس ربنا يستر ويعدى السنه دى على خير

معلش دوشتكوا معايا بس حبيت افضفض معاكوا