فات الكتير ومافضلش الا القليل

[aly_sha3ban]

نفس الوقت ده السنه اللى فاتت الواحد كان بيتمنى تحصله أى حاجه فبل الإمتحانات علشان يبقى عنده حجه
والواحد كان على أعصابه ....خايف من بعبع الثانوية ..خايف مايجبش مجموع ...خايف من نظرة أهله وجيرانه ليه ....خايف على زعل أبوه وأمه ....خايف على مستقبله ,,,خايف خايف..
:..
:.
طيب إيه سبب الخوف ده ؟؟؟
حاسس إنك قصرت , حاسس إن زمايلك ذاكروا أكتر منك ؟؟؟؟
بص هأقولك حاجه >> لما تخاف وتتوتر هتستفاد إيه ؟؟؟ اللى انت ماذاكرتوش هتعرف تذاكره .لأ بالعكس دا ممكن تنسى اللى انت مذاكره أساسا يعنى زودت الطين بله .
طيب إيه الحل ؟؟؟
ماتضيعش ثانيه واحده فى عدم المذكرة .
نام 4 ساعات بس ولو انت خم نوم نام 6 ساعات .الأكل فى اليوم كله مايزيدش عن نصف ساعه . أهم حاجه الصلاه على وقتها لو انت بتذاكر وسمعت "الله أكبر... الله أكبر" قوم ارمى الكتاب (بس اعرف انت رميته فين علشان ماتدخوش عليه بعد ماتيجي)
هتحس ان انت جددت نشاطك.
.............................
تانى أهم حاجه لما تيجى تنام حاسب نفسك قول أنا ذاكرت النهارده بما يرضى نفسك ولا لأ .ماتسمعش كلام والدتك وهى بتقول ياعينى الواد هالك نفسه فى المذاكرة طول النهار وهى مش عارفه اللى فيه
وتكون عارف قبل ماتنام لما تقوم هتذاكر يبقى ليك جدول والجدول ده تبقى انت اللى حاطه بايدك وخلى بالك الجدول بيخنلف من شخص لشخص وعلى حسب قدرات كل شخص والقدرات دى مش موجوده فى ناس وناس لأ بس فى ناس عرفت تدور وتلاقى قدراتها دى وتسثمرها.
معلش طولت عليكم بس عاوز أقولكم حاجه علشان ماتقلقوش ..أنا فى بابين فى الفيزياء
ماكنت عارف فيهم حاجه وماحضرتهمش فى الدروس .عارفين عملت ايه ؟؟؟
نزلت حلقات الأستاذ محمد عبدالمعبود اللى بيجي على قناة الرحمه بصراحه ربنا يكرمه ويجعله فى ميزان حسناته فرق معايا كتييير
والحمد لله تعبت فى أخر شهر على قد ما أقدر وربنا كرمنى وجبت 97.5 فى السنتين ودخلت هندسه ..............
يااااااااااااااااااااااااارب أشوفكم دكاااااتره ومهندسين وتدخلوا الكليات اللى انت عاوزينها
ااااااااجدعنوا وكل لما تحسوا انكم زهقتوا من المذاكرة افتكروا أبائكم و أمهاتكم بيتعبوا علشانكم قد إيه وأظن مش كتير عليهم انهم يفرحوا يومين فى أخر السنه
يالا أول ماتخلصوا قراية الكلام ده إتبع الخطوات الأتيه
1-قائمة Start
2-Turn Off Computer
3-إمسك الكتاب وإبدأ ذاكر وماتضيعش وقت