أخيرا دليل اتهام شفيق

[Khaled Soliman]

المشاركة الأصلية كتبت بواسطة hragaey

اذا كنت تجهل يعنى ايه جمعية عمومية وشركة قابضة
يبقى مش مشكلتى عدم معرفتك بمعانى الكلمات
وعشان ابسطها لك شوية
الجمعية العمومية مثلا لنقابة المعلمين بتناقش ميزانية وارقام وحساب ختامى
امأ اللى انت جايبه كلها كلام ناس بلا دليل
يا عزيزى ميزانية مش كلام
يعنى جهاز مركزة للمحاسبات وارقام
مش اى كلام

هههههههههههههههههههههههههههههههههههههههههههههههههه ه
الجهل الحقيقى هو عدم معرفة الفرق بين كلام الجرائد والواقع الفعلى من فم العاملين بمصر للطيران بل والقوات الجوية و..... العالم كله
الجهل الحقيقى هو عدم معرفة الفرق بين ترتيب عالمى لمركز مصر للطيران ويجى كاتب واخد قرشين ولا حتى من غير قرشين يكتب عن مكاسب مهولة دون مستند واحد أو حتى إرتفاع أسهم الشركة وأرتفاع ترتيبها العالمى
وقمة الجهل هو أن نؤيد شفيق
دا كلام جرايد بيلمع بيه شفيق وبيضمن عهد جديد معاه ولا يوجد عليه أى دليل
هات أى دليل عليه
ودور أنت على أى حاجه تثبت بيها كلامك
دا أنا بقالى سبع مرات لو رايح أستقبل حد ياخدو رسوم إستقبال فى صالة الوصول تذكرة للفرد خمسة جنيهات دا غير رسوم إنتظار السيارة وغير وغير وغير
ولما أسافر أسوء خدمة وأسوء طعام وأسواء مستوى وشوية شحاتين أقصد عمال يتسولون من المسافرين رشاوى من أجل تأدية عملهم دا بيمد أيده عشان ياخد رشوه قدام الميزان على الرغم من أنك لم تخالف الوزن المحدد وأخر عشان نزل الشنطه بدون ما حد يطلب منه من على السير وأخر عشان ميفتحش الشنطه ويبهدلك حاجاتك ودا عرفته أكتر لما جربت Emirates, Dubai الخطوط الاماراتيه وكمان British Airways, United Kingdomالخطوط البريطانية والمعاملة التى نلقاها فى المطارات الأخرى هل تعلم أن المسافرين على مصر للطيران يلقون أسوء معاملة على مستوى العالم من تفتيش وتدقيق أما باقى شركات الطيران فركابها لهم أفضل معاملة دا غير مستوى الخدمه على الطائرة أقولك بلاش كل ده كان فى فيلم سمعته من فترة وأنا مسافر فى السوبر جيت مش فاكر أسمه ايه عن واحد اسمه مصرى كان قادم من أميركا ودا بيحكى الواقع الفعلى لمصر للطيران والمعاملة القذرة