ايها المجلس الموقر .... شكراً

[اسامه القزاز]

تحدث اليوم رئيس لجنة التعليم بمجلس الشعب الموقر عن تقرير بخصوص اساتذة الجامعات والمعلمين وفيما يخصنا نحن المعلمون ضحية الثورة وقبل الثورة وبعد الثورة يتلخص مشروع القانون فى الآتى :
(1) تعديل الكوسة والوساطة والبوظان اللى تم من قبل كل محافظة فى تعيين ناس فى التربية والتعليم غير مؤهلين ومتخطين من يستحقون
(2) ترقية المعلم دون امتحانات كادر مرة اخرى
(3) زيادة العائد المادى للمعلم زيادة قليلة ومشروطة بعدم العمل بالدروس الخصوصية والا احالته لمجلس تأديبى
وقام احد اعضاء المجلس الموقر واعترض على مناقشة مشروع يخص الجامعات لأن معظم الجامعات فى اضراب واعتبر هذا ضغط على المجلس الموقر
وكأن هذه الفئة بالذات مكتوب عليها ان تحرم من كل شئ رغم ان المعلم هو الذى علم هذا النائب الفاشل سياسيا كيف ينطق
المهم : شكرا ايها المجلس الموقر على انكم اخيرا افتكرتم المعلم
وكلمة اخيرة منى للمجلس الموقر برجاء مناقشة تحسين وضعكم المادى لحسن يا عينى انتم مظلومين جدا مرتبكم كما يقال فى التلفزيون ( 8000 جنية + 3000 بدل جلسات )
الله يعينكم مظلومين قوى قوى وبتتعبوا قوى على الكرسى الناشف اللى قعدين عليه والتكييف الضعيف اللى مش شغال والنواب اللى بينادى عليهم الريس وبيكونوا مزوغين
لنا الله ايها الأخوة الزملاء فى مهنة الأنبياء