مش بهاجم الاخوان المسلمين

[222ahmed222]

ههههههههههههههه كنت اتوقع الموضوع يكون نقدك فيه اقوى من كدا شوية
انما موضوع المنشورات فمعروف ان الانسان بيحارب الشخص ال قدامه بنفس الطريقه ال بيحاربهم هو بيها
ع الاقل ال بينشروا المنشورات عندكم مش الاخوان لا دول جزء صغير من الاخوان ف بلدكم لا يمثلوا الجماعه وقياداتها الرسميين
اما الكابتن شفشق فهو كان بينصب مؤتمراته عشان يقعد يشتم في الاخوان ويطلع عليهم اشاعات ملهاش اي تلاتين لزمه او اصل حتى وبيتكلم ع مشروع النهضه ع إنّه مشروع يستحيل تنفيذه وهو حمار اصلا مش فاهم ف حاجه لأنّه مش واخد في باله ان دا هو المشروع الوحيد في برامج كل المرشحين ال اترشحوا ال له آليات واضحه انما هو مشروعه ملوش اي علامات اصلا خاالص بيقول هعمل سوق مفتوحه طب فين آلياتك؟؟ لا ومنتهى التفاهه والسفاهه فيه انه مره من المرات في المؤتمر الختامي او ال قبله مش فاكر راح قعد يتكلم عن برنامجه فبيقول ان شاء الله مجرد ما همسك الرئاسه هرجع الكوره الشعب لازم يتفرج ع الكوره تاني يا اسم الله عليك يا شفشق بيه هههههههه دا ايه الهبل دا؟
لا وايه وبيقول هرجع الثورة لشباب 6 ابريل هههههههههههههه اذا كان هم اتقتلوا اصلا وهو رئيس وزرا واكتر ناس بيأيدوه هم شباب احن اسفين ياريس ال مبيكرهوش حد قد 6 ابريل.
وبكمالتها بقى قال انا هعمل رابطة التراس خاصه بالمنتخب همسكها انا بنفسي ههههههههههههههههههه والله الرجل دا كوميدي اوي قريب عمو توفيق عكاشه تقريباً مش غريبه ان توفيق عكاشه هو ال بيقوم بالدعايا بتاعته ع التلفزيون.
اما موضوع الحرص على الحكم فدا انتي غلطانه فيه بشكل وااااضح
الاخوان مش حريصين على الحكم الموضوع انهم حريصين ان رئيس وزراء مبارك الاسبق هو ال ميبقاش الرئيس عشان الثورة متنتهيش بدون أي مكسب ونرجع للعهد السابق تاني ويعود النظام ال لسه مسقطش لحد دلوقتي اصلا ويروح دم الشباب هدر ودا مش الاخوان بس حريصين عليه دا كل الناس الوطنييين في البلد بيقولوا كدا.
انا والله عندي رد ع كل كلامك بس مش بالفراغ دا عشان اقعد ارد ع كلام اصلا لا يستحق النظر إليه . وسريعاً موضوع الرئيس جمال عبد الناصر فكل الناس دلوقتي عارفين كويس جدا ان الرئيس جمال عبد الناصر كان ديكتاتور كبير جدا وهو ال ظلم الاخوان فطبيعي يقول كدا عشان الناس ميقولوش هو ليه بيعتقلهم ومشاكل البوليس السياسي في وقتها.