سيفتح الله لك بابا كنت تحسبة من شدة الياس لم يخلق بمفتاح..دعوة للجميع للدخول

[مجنونة الثانوية]

السلام عليكم ورحمة الله وبركاتة

بصوا كتير منا تعب وحاسس انة تعبة راح
بس هاشجعكم واشجع نفسي معاكم
على فكرة انا من النوع المتشائم جدا
بس هارضى بقضاء الله عشان مكنش محالفنى التوفيق في حاجات كتيرة
حسيت ان ربنا يعنى يمكن مدنيش التوفيق لشي ما
بصوا
احنا مش عملنا الا علينا
ايوة
قصرنا شوية ايوة ممكن نكون قصرنا شوية
بس مش حاسين بالذنب هتقولولى لية
عشان الاخطاءالا وقعنا فيها كلنا مش عدم مذاكرة وانما قلة تركيز مع صعوبة امتحان مع عدم توفيق
مش بتكلم على نفسي بتكلم عموما
بصوا بقى خلونا مؤمنيين بالله
تمام
قولوا لا اله الا الله
قل لن يصيبنا الا ماكتب الله لنا
ممكن احنا نكون هنموت على حاجة وحاسيين انها اخر الدنيا ولا وخلاص
بس يمكن ربنا سايب لنا حاجة احسن
هنزعل في الاول اه لكن ربنا انعم علينا بنعمة النسيان هنزعل اسبوع اسبوعان شهر شهران
المهم هيجى يوم وننسي ونبص لمستقبلنا الا ربنا كتبة لنا
يمكن كنا ندخل الكلية الا نفسنا فيها ونفشل ونضطر نسبها
كل واحد بياخد24 قراط محدش بياخد اكتر من التانى في ناس تاخدها
جمال وناس تاخدها مال وناس تاخدها حظوظ وتوفيق
المهم ال24 قراط هتاخدها
المهم تفائلو بالخير تجدوة
لو علمتم مافى الغيب لاخترتم الواقع
انا على فكرة من الناس الا بجد قمة ف التشائم الصراحة انا مهياة نفسى للعلوم بالرغم انى نفسي ف الهندسة بس بدعى ربنا انى ادخلها والكل يدخلها وكل واحد يدخل الكلية الا عايزها
وعايزة اقول لكم ان بعد امتحانات الرياضة انهرت ومكنتش عايزة اروح اى امتحان
ومذاكرتش حاجة بعد الرياضة يعنى الاقتصاد قراية كدا واعتمدت ع مذاكرتى
وكنت قبل ما اروح اى امتحان اعيط والضحكة دى فارقت وشي
كان هيحصلى حاجة خلاص قالولى في البيت تتحرق الثانوية المهم انتى
انا دلوقتى بقول الحمد لله هاعمل ايه هازعل اه بس هاحاول ارضى بالواقع
ربنا عمرة مابيجيب حاجة وحشة ابدا ولو مخدتهاش في الدنيا السعادة اكيد هاخدها في اخرتى

وهاختم كلامى بمقولة
سيفتح الله لك بابا كنت تحسبة من شدة الياس لم يخلق بمفتاح