شيكابالا!!!!!!

[Bent 3bdo]

اه شيكا غلطان اكيد
بس حسن شحاته المفروض يعرف ازاى يتعامل مع نجومه
مش كل يوم هنجيب واحد زى شيكا ولا احنا عندنا بديل ليه ولا هنعرف نجيب بديل ليه
عشان منعرفش نحتضنه كويس وهو يعنى بغض النظر عن الموقف الغبى الاخير مش بيعمل مشاكل من الهوا زي ما الناس بتقول و الله شيكا طيب واهبل اوى انت احترمه بس و هتلاقيه تمام
و بعدين ماشى انت مش عايزه
جبتله بديل ؟ ولا هنقضيها قطه ؟
ممكن تقولى مين نجم فرقتك دلوقتى ؟ مين النجم اللى عندك اللى لما تيجى تلاعب فرقه تعمل حسابه و تفكر هتقوفله كام واحد ؟ ده الكل هينزل يهاجم ولا هيفرق معاه حد يخاف منه
مين عندك يقدر يغير النتيجه ف اى وقت ؟
مين عندك بيشوط كور ثابته كويس ؟
مين عندك بيرفع عرضيه عدل ؟ مين بيدى ثروهات مظبوطه ؟ مين ؟مين ؟ مين ؟
احنا من غير شيكا منفرقش عن المصرى و الاتحاد و الانديه دى كتير والله
لما يبقى تعرف تجبله بديل يبقى يتكلم

و بعيد عن كل ده
كفايه ان لما الشناوى يلعب هنلاقى حد يلبس الشارة بل وحيد بدل ما نلاقيها ف دراع عمرو زكى :S
لما اجى احط صوة لاعيب بروفايل بيكتشر احط مين انا دلوقتى ؟ احمد حسن

كل الطرق تؤدي الى ان لا بديل عن شيكا
و كفايه ان هنلاقى ف الملعب لاعيب فيه روح الزمالك مش لاعيبه موظفين جايين تاديه واجب و خلاص

و ان كنا كده كده بنتغلب فنتغلب و احنا بنلعب كورة عدله احسن بدلما تبقى نكد م كل النواحى كده

و اهو طلع طلب يقابل حسن شحاته مرتين بعد المشكله ع طول و الباشا مرضيش يقابلو
فالح بس ابنه يلف ع القنوات يقول مؤامرة و اشمعنى جاى يعتذر دلوقتى ؟
عشان ينقذ ابوك يا فالح بدل ما يتفضح و يفضحنا معاه


و بعدين حسن شحاته سبحان الله يعنى مفرقش عن شيكا كتير
ما ف ماتش ف الدورى ولا الكاسم ش فاكرة لما الجمهور زوم عليه شويه
قالهم انا ماشى
بس لما شيكا يقول كده يبقى عيب و مش قد المسؤليه
وكل شويه يطلع يقول انا همشى و مش همشى و اراح اتفق مع اتحاد جده قبل كده و هو معانا
و ف الماتش اللى فات ده لما شتم بعد الجون التالت بس بردو مش شيكا عشان نتكلم ع الاخلاق و المباديء
و عشان كام واحد و قفولوه ع باب النادى قالوله كلمتين اتأمص و رروح و مرضاش يحضر التمرين يومين ورا بعض
ع اساس ان مفيش ماتش حياة او موت جاى و لا الاداء و الدفاع اللى زي الزفت ده عايز يتظبط
و ف بدايه المشكله خالص لما حس (مجرد احساس بس ان الادارة ممكن تخلى شيكا ) راح اختفى و قفل موبايله و بعتلهم الاستقاله و و يكلمو كريم يقولهم معلش نايم ومش هنعرف نصحيه
ونلاقيه طالعلنا ع قناه الاهلى يقول خدت قرار و مش هرجع فيه
و نعيب ع شيكا ؟!
طب بدامك تعرف تضغط كده مضغتش ف الياسو ولا اى حد ف الدفاع ليه بدل الفضايح دى ؟

ويقولك هو شيكا كان عمل ايه للزمالك؟ طب حضرتك خدت كام بطوله مع الزمالك ؟ ده شيكا ع الورق واخد بطولات اكتر منك

حسن شحاته مش فارق معاه الزمالك اصلا و المهم كرامته هو
لما شيكا غلط فيه مش راضى يسامحه
انما لما حازم و زكي قدمو شكوى ضد النادى و حازم راح السعوديه و اتمرن مع الفريق هناك و طظ ف ام النادى
رجعهم ولاعبهم عادى
معرفش المبادى و الاخلاق كانت راحت فين ساعتها