اعيدها ولا لا ؟ واسئلة بخصوص السنة الفراغية فى تانية ؟

[daye3]

انا السنة دى ضايع ومتبهدل فى تانية ثانوى واحتمال كبير مجبش الــ 80% السنة دى وكدة حتبقا مصيبة لان اقل من 80% مجموع كلى مش حالحق حتا اكاديمية ولا معهد خاص لانى علمى

انا فكرت اعيد السنة دى واخدها من الاول صح بس خايف من حكايت السنة الفراغية دية فية ناس بتقول انها حتبقا فى مصلحتى وفية ناس بتقول انها حتبهدل الدنيا فى الامتحانات بتاعتها والنظام اللى عايزين يطبقوه ( يخلو الثانوية العامة سنة واحدة )

انا ياجماعة مش خايف من ان التنسيق يبقا عالى لانى ان شاء الله مش حاقل عن 95% وحابتدى اذاكر من الصيف وانا واخد بعض الحاجات وعرفت المنهج بيبقا عامل اذاى يعنى ان شاء الله على الاقل 95% ومش حاتفرق معايا بقا اذا التنسيق اترفع او قل لانى مش حعتمد على الموضوع دة وحاعمل اللى عليا ان شاء الله

ياريت كل واحد يقولى رائيه اية وياريت حد يوضحلى حكايت السنة الفراغية دى لانى مش فاهم عنها اى حاجة

وبالنسبة لمصاريف الدروس ياترى المدرسين حيعملو اية فى حكايت الدروس دية حيجزرونا عشان العدد قليل ولا حتبقا عادى ؟

ياريت ياجماعة تردو عليا بسرعة عشان انا فعلا مش عارف اعمل اية والامتحانات على الابواب وعشان اعيد السنة لازم انزل فى مادتين يعنى لازم ابقا واخد قرارى قبل امتحان الفرنساوى

سلام