نحن فى انتظار تنسيق تاريخى

[اسلام الديب]

والله يا جماعة احنا مش عارفين ايه السبب بالظبط فى الكارثة دى
بس اعتقد ان احنا كطلاب نستاهل عشان عايزين الامتحانات سهلة وكلها من داخل الكتاب
واعتقد كمان ان السنة اللى فاتت بالذات هى السبب كل الطلاب مع احترامى لمجهودهم غشوا جامد بالاضافة لسهولة الامتحان
يعنى مثلا تلاقى الامتحان كله سهل ماعدا نقطة الطالب اللى مذاكر يحلها ويقفل الامتحان اما اللى مش مذاكر يغشها وبردو يقفل الامتحان يبقى دى امتحانات وده اصلا تعليم
العيب هو فى استرتيجية التعليم فى مصر كلها
يعنى ايه امتحان واحد فى اخر السنة هو اللى حدد مستقبلنا ويحدد تفوقنا
امال مجهود السنة كلها فين لازم يكون فى تقويم شامل على مدار السنة بس مش مش هيحصل فى ظل الضمير المنعدم عند المدرسين الى بيبعونا مش بيعلمونا بالدروس الخصوصية
بس اللى لازم يحصل ان يكون فيه اعادة هيكلة التعليم
بحيث ان الدرجات تتوزع على السنة كلها يعنى يكون فى درجات للنشاط والتجارب والحضور والاختبارات الشهرية
مش امتحان واحد لو غلط فى نقطة يضيع مستقبلة وممكن تكون سهو من الطالب
وانا اتحدى ان فى طالب راح المدرسة السنادى لمدة شهر واحد
يبقى احنا اللى ظلمنا نفسنا والتعليم كمان
ولازم نعرف ان كل كلية ليها اعداد محددة حتى لو جبنا كلنا 100%
مجلس الشعب راح يقولك الثانوية العامة سنة واحدة وايه كمان وهتطبق من السنة اللى جاية
سقفوا هو ده تطوير تعليم عندنا ناخد قرارات غير مدروسة ونطبقها ويبقى كده طبقنا
انا عايز اقول ان البلد دى مش هتقوم تاقنى لاننا متخلفين
على فكرة انا طالب زيكو وجبت 97.7%وحاسس انى مش هيلحق علاج طبيعى شقتوا الحلاوة