صعبان عليا حال الجنية

[حميد بدوى]

صعبان عليا حال الجنية
بيقولوا معدش بيروح
الجنية كان أغلى من الجنيه الدهب
والله صحيح أحنا بلاد العجب
ولسا ياما هانشوف
الجنيه اللى كان بيخطف
العقل والقلب والروح
معدش بيروح
كدا من الباب لطق
من غير سبب
كل الحكاية أنه عشان ورق
والله يا بلد ما عليكى عيب ولا عتب
أذا كان البنى أدم بيروح عندنا
على أهون سبب
هاندور على الجنيه الورق
ما يتحرق بجملة اللى أنحرق
هو يعنى بيجيب أية
ملعون أبو الجنية
لو حتى كان عملة بلد
بيقولوا معدش حد بياخدوا
مع أن مش هاتصدقوا
أن أنضحك عليا
فى أتنين جنيه
والصراحة زعلان
مش عارف أعمل بيهم أيه
ولا بيروحوا ولا فى موصلات
ولا دكاكين ولا حتى توك توك
كلهم بيرفضوا
يالله احتفظ بيهم لذكرى
يمكن من عالم
يمكن يرجع مجدهم بكرة
بس هايرجع ليه
يلا أهو بينا وبينه عشرة
والعشرة ما بتهونش الا على ولاد الاية
وربنا يخلى الجنيه
بس هايخليه بعد أية
ما خلاص راحت علينا وعليه
والبركة بقى فى الورقة ام مية
يمكن بعد كدا نقدروا نشتروا بيها عسلية
مع خالص الود والحب والتحية للعملة المصرية

الشاعر
عبد الحميد بدوى